തിരുവനന്തപുരം: കെഎസ്ആര്ടിസി എംഡിക്കെതിരെ സിഐടിയു നേതാവ് എളമരം കരീം. ജീവനക്കാര് വലിയ ക്രമക്കേട് നടത്തിയെന്ന് കെഎസ്ആര്ടിസി എംഡി ബിജു പ്രഭാകര് പറഞ്ഞിരുന്നു. എന്നാല് കെഎസ്ആര്ടിസിയുടെ ഇന്നത്തെ പ്രശ്നങ്ങള്ക്ക് കാരണം ജീവനക്കാര് ആണെന്ന് പറയുന്നത് വസ്തുതകള്ക്ക് നിരക്കുന്നതല്ലെന്ന് എളമരം കരീം പറഞ്ഞു.
തൊഴിലാളികള് ആത്മാര്ത്ഥമായി ജോലി ചെയ്യുന്നത്. തൊഴിലാളികളുടെ ഭാഗത്ത് നിന്നുല്ള വീഴ്ചകള് പരിഹരിക്കേണ്ടത് മാനേജ്മെന്റാണ്. കൃത്യവിലോപം കാണിക്കുന്നുണ്ടെങ്കില് അത് പരിഹരിക്കേണ്ടത് മാനേജ്മെന്റാണ്. എന്നാല് തൊഴിലാളികളെ അടച്ചക്ഷേപിക്കുന്നത് മാനേജ്മെന്റ് ഉത്തരവാദിത്തത്തില് നിന്നുള്ള ഒഴിഞ്ഞുമാറലാണ്. രാഷ്ട്രീയ പാര്ട്ടികളോ തൊഴിലാളി സംഘടനകളോ ജോലി ചെയ്യാതെ ശമ്പളവും ആനികൂല്യവും പറ്റാന് ഒരു പ്രേണയും നല്കുന്നില്ല. അതിനെതിരെ വല്ല തെളിവുകള് ഉണ്ടെങ്കില് മാനേജ്മെന്റ് പുറത്ത്ുകൊണ്ടുവരണം.
അതിനു പകരം മാനേജിങ് ഡയറക്ടര് മാധ്യമങ്ങളെ വിളിച്ച് വരുത്തി ആരോപണങ്ങള് ഉന്നയിക്കുന്നത് ഒട്ടും ഉചിതമല്ല. അത് തന്റെ പദവിയ്ക്ക് ചേര്ന്നതല്ലെന്നും ആരോപണം പുനഃപരിശോധിക്കണമെന്നും എളമരം കരീം ആവശ്യപ്പെട്ടു. അതേ സമയം ബിജു പ്രഭാകറിനെതിരെ ഐഎന്ടിയുസി അടക്കമുള്ള തൊഴിലാളി സംഘടനകള് പ്രതിഷേധവുമായി രംഗത്തെത്തി.
