ലഖ്നൗ: ചൈനയുമായുള്ള അതിര്ത്തി സംഘര്ഷത്തില് കരസേനയുടെ കരിസ്മാറ്റിക് പ്രകടനത്തെ അഭിനന്ദിച്ച് പ്രതിരോധ മന്ത്രി രാജ്നാഥ് സിങ്. സൈന്യത്തിന്റെ പ്രകടനം രാജ്യത്തിന്റെ മനോവീര്യം മെച്ചപ്പെടുത്തിയെന്നും ഇന്ത്യക്കാരുടെ തല ഉയര്ത്തിപ്പിടിക്കാന് സഹായിച്ചെന്നും അദേഹം പറഞ്ഞു. ലഖ്നൗവില് നടന്ന പൊതു പരിപാടിയില് സംസാരിക്കവെയാണ് കേന്ദ്ര മന്ത്രി ഇക്കാര്യം പറഞ്ഞത്.
'ഇന്ത്യ-ചൈന അതിര്ത്തി സംഘര്ഷത്തിനിടെ കരസേനയുടെ കരിസ്മാറ്റിക് പ്രകടനം രാജ്യത്തിന്റെ മനോവീര്യം വര്ദ്ധിപ്പിച്ചു. കൂടാതെ പൗരന്മാര്ക്ക് തല ഉയര്ത്തി നടക്കാനുള്ള സാഹചര്യം സൃഷ്ടിക്കുകയും ചെയ്തു' രാജ്നാഥ് സിങ് പറഞ്ഞു. ഉറച്ച നിലപാടെടുക്കാനും തങ്ങളുടെ പ്രദേശം സംരക്ഷിക്കാനുമുള്ള ഇന്ത്യയുടെ തീരുമാനം രാജ്സിങ് ആവര്ത്തിച്ചു. എന്നാല് ചൈനയുടെ പേരുപറയാതെയാണ് രാജ്നാഥ് സിങ് വിമര്ശിച്ചത്.
' ഞങ്ങള്ക്ക് യുദ്ധം വേണ്ട എല്ലാവരുടെയും സുരക്ഷയ്ക്കാണ് ഞങ്ങള് മുന്ഗണന നല്കുന്നത്. എന്നാല് ഇക്കാര്യം ഞാന് വ്യക്തമായി പറാന് ആഗ്രഹിക്കുന്നു. ഏതെങ്കിലും മഹാശക്തി നമ്മുടെ അഭിമാനത്തെ വ്രണപ്പെടുത്താന് ആഗ്രഹിക്കുന്നുണ്ടെങ്കില് അതിന് ഉചിതമായ മറുപടി നല്കാന് കഴിവുള്ളവരാണ് നമ്മുടെ സൈനികര്' രാജ്നാഥ് സിങ് പറഞ്ഞു.
