ന്യൂഡല്ഹി: ബാലാക്കോട്ട് ആക്രമണവുമായി ബന്ധപ്പെട്ട് റിപ്പബ്ലിക് ടിവി എഡിറ്റര് ഇന് ചീഫ് അര്ണബ് ഗോസ്വാമിയുടെ വാട്സ്ആപ്പ് ചാറ്റ് പുറത്തുവന്നതില് കേന്ദ്രം മൗനം പാലിക്കുന്നതിനെതിരെ കോണ്ഗ്രസ് അധ്യക്ഷ സോണിയ ഗാന്ധി. കോണ്ഗ്രസ് പ്രവര്ത്തന സമിതി യോഗത്തിലാണ് കേന്ദ്ര സര്ക്കാരിനെ വിമര്ശിച്ച് സോണിയ രംഗത്തെത്തിയത്.
'സൈനിക നീക്കങ്ങള് ചോര്ത്തുന്നത് രാജ്യദ്രോഹമാണ്. വളരെ അസ്വസ്ഥതപ്പെടുത്തുന്ന റിപ്പോര്ട്ടുകളാണ് പുറത്തുവരുന്നത്. എന്നാല് ഈ സംഭവത്തെക്കുറിച്ച് പ്രതികരിക്കാന് കേന്ദ്ര സര്ക്കാര് ഇതുവരെ തയ്യറായിട്ടില്ലയെന്നത് അതിശയപ്പിക്കുന്നു. മറ്റുള്ളവര്ക്ക് രാജ്യസ്നേഹത്തിന്റെയും ദേശഭക്തിയുടെയും സര്ട്ടിഫിക്കറ്റ് നല്കുന്നവരുടെ യഥാര്ഥ മുഖം വെളിച്ചത്തുവന്നു. യാതൊരു കൂടിയാലോചനയും പഠനങ്ങളും ഇല്ലാതെയാണ് തിരക്കിട്ട് കാര്ഷിക നിയമങ്ങള് നടപ്പാക്കിയത്. കര്ഷക സമരത്തിനെതിരെ അഹങ്കാരം നിറഞ്ഞ നിലപാടാണ് കേന്ദ്ര സര്ക്കാര് സ്വീകരിക്കുന്നന്' സോണിയ ഗാന്ധി പറഞ്ഞു.
ടിവി റേറ്റിങ്ങില് കൃതൃമത്വം നടത്തിയതുമായി ബന്ധപ്പെട്ട് മുംബൈ പോലീസ് കോടതിയ്ക്ക് സമര്പ്പിച്ച വാട്സ്ആപ്പ് ചാറ്റുകളിലാണ് അര്ണബ് ഗോസ്വാമിയും പാര്തോ ദാസ് ഗുപ്തയും ബാലാക്കോട്ട് ആക്രമണത്തെക്കുറിച്ച് പരാമര്ശിച്ചത്. അതീവരഹസ്യ സ്വഭാവമുള്ള ആക്രമണ പദ്ധതി അര്ണബ് നേരത്തെ അറിഞ്ഞിരുന്നുവെന്നാണ് വാട്സ്ആപ്പ് ചാറ്റുകള് തെളിയിക്കുന്നത്.
