ചെന്നൈ: പോക്സോ നിയമങ്ങള് വ്യാപകമായി ദുരുപയോഗം ചെയ്യുന്നുവെന്ന് മദ്രാസ് ഹൈക്കോടതി. പ്രായപൂര്ത്തിയാകാത്ത പെണ്കുട്ടിയുമായി അടുക്കുന്ന കൗമാരക്കാരനെ കുറ്റവാളിയായി കണ്ട് ശിക്ഷിക്കുക എന്നതല്ല പോക്സോ നിയമം കൊണ്ട് ഉദ്ദേശിക്കുന്നതെന്ന് മദ്രാസ് ഹൈക്കോടതി പറഞ്ഞു. പെണ്കുട്ടികളുടെ സമപ്രായത്തിലുള്ള ആണ്കുട്ടികളുമായുള്ള ചങ്ങാത്തമുണ്ടാവുന്ന സാഹചര്യത്തില് പോലും രക്ഷിതാക്കല് ഈ നിയമത്തെ കൂട്ടുപ്പിടിച്ച് കോടതിയിലെത്തുന്നു.
അതിനാല് പോക്സോ നിയമങ്ങളില് കലാനുസൃതമായ മാറ്റങ്ങള് വരണം. എന്നാല് പോക്സോ പോലുള്ള നിയമങ്ങള് അത്യവശ്യമാണെന്നും കോടതി നിരീക്ഷിച്ചു. ജസ്റ്റിസ് എന് വെങ്കിടേഷിന്റെ സിംഗിള് ബെഞ്ചിന്റേതാണ് നിരീക്ഷണം. പ്രായപൂര്ത്തിയാകാത്ത പെണ്കുട്ടിയെ തട്ടിക്കൊണ്ടു പോയി ലൈംഗികമായി ഉപയോഗിച്ച സംഭവത്തില് 20 കാരന് പ്രതിയായ കേസില് വാദം കേള്ക്കുകയായിരുന്നു കോടതി. കേസില് പെണ്കുട്ടിക്ക് ഇരുപതുകാരനുമായി ഉണ്ടായിരുന്നത് ഉഭയസമ്മതത്തോടെയുള്ള ബന്ധമായിരുന്നുവെന്നും കോടതി നിരീക്ഷിച്ചു.
ഇത്തരം കേസുകള് നഗര ഗ്രാമ വ്യത്യാസമില്ലാതെ നടക്കുന്നു. രക്ഷിതാക്കള് പരാതി നല്കുന്നതോടെ പോലീസ് പോക്സോ അടക്കമുള്ള വകുപ്പുകള് ചേര്ത്ത് കേസെടുക്കുന്നത്. നിരവധി പോക്സോ കേസുകള് ഇത്തരത്തിലുള്ളതാണെന്ന് വ്യക്തമാണ്. പ്രായപൂര്ത്തിയാകാത്ത പെണ്കുട്ടിയുമായി ബന്ധം സ്ഥാപിക്കുന്ന കൗമാരക്കാരനെ തുറങ്കിലടയ്ക്കാനുള്ള ഉദേശമല്ല ഈ നിയമത്തിന്റെ ലക്ഷ്യമെന്നും കോടതി നിരീക്ഷിച്ചു.
കൗമാരക്കാരായ പെണ്കുട്ടിയുടെയും ആണ്കുട്ടിയുടെയും ഹോര്മോണ് മാറ്റങ്ങളും ജൈവപരമായ മാറ്റങ്ങള്ക്കൊപ്പം തീരുമാനങ്ങളെടുക്കാന് അവര് പ്രാപ്തരാവാതെ കാണുന്നു. ഇത്തരം കേസുകളില് രക്ഷിതാക്കളുടെ ഭാഗത്ത് നിന്നാണ് കേസ് കാണപ്പെടുന്നത്. ഇങ്ങനെയുള്ള കേസുകള് കൗമാരക്കാരുടെ സമാനുഭവത്തോടെ കൈകാര്യം ചെയ്യേണ്ടതാണെന്നുമാണ് മാദ്രാസ് ഹൈക്കോടതിയുടെ നിരീക്ഷണം.
