സേലം: തെരഞ്ഞെടുപ്പ് തൊട്ടടുത്തു നില്ക്കേ തമിഴ്നാട് പിടിക്കാന് പരസ്യമായി വര്ഗ്ഗീയത പറഞ്ഞ് ബിജെപി യുവനേതാവ്. തമിഴ്നാട് ഹിന്ദുക്കള്ക്ക് ശക്തമായ വേരുകള് ഉള്ള നാടാണെന്നും പക്ഷേ അവിടുത്തെ ദ്രാവിഡ മുന്നേറ്റ കഴകം ഹിന്ദു വിരുദ്ധരാണെന്നും അവരെ തുടച്ചു നീക്കണമെന്നും ബിജെപി യുവമോര്ച്ചാ നേതാവ് തേജസ്വീ സൂര്യ പറഞ്ഞു. ബിജെപി തമിഴ്നാടിന്റെ സംസ്ക്കാരത്തെയും അവരുടെ ഭാഷയെയും മതിക്കുന്നവരാണെന്ന് ബിജെ വൈഎം സ്റ്റേറ്റ് കണ്വെന്ഷനില് സംസാരിക്കുകയായിരുന്നു.
‘‘ ഡിഎംകെ തിന്മയെ പ്രതിനിധീകരിക്കുന്നു. അവരുടെ ആശയം വിനാശകരമാണ്. അത് ഹൈന്ദവികതയ്ക്ക് എതിരാണ്. അഭിമാനികളായ ഹിന്ദുക്കളാണ് എല്ലാ തമിഴരും. രാജ്യത്ത് ഏറ്റവും കൂടുതല് ക്ഷേത്രങ്ങളുള്ള പവിത്രമായ നാടാണ് ഇവിടം. എന്നാല് ദ്രാവിഡ മുന്നേറ്റ കഴകം ഹൈന്ദവവിരുദ്ധമാണ്. അവരെ നമ്മള് തോല്പ്പിക്കണം. തമിഴ്നാടിന്റെയും തമിഴ് ഭാഷയുടേയും പൊരുളാണ് തന്റെ പാര്ട്ടി പ്രതിനിധീകരിക്കുന്നത്. ഇന്ത്യയിലെ മുഴൂവന് ഭാഷകളെയും ബഹുമാനിക്കുകയും പ്രോത്സാഹിപ്പിക്കുകയും ചെയ്യുന്ന ഏക പാര്ട്ടി ബിജെപിയാണ്. തമിഴിന് പിടിച്ചു നില്ക്കണമെങ്കില് ഇവിടെ ഹിന്ദുത്വം വിജയിക്കണം. കന്നഡ വിജയിക്കണമെങ്കില് ഹിന്ദുത്വം വിജയിക്കണം.’’
ഡിഎംകെ എന്നാല് കുടുംബമാണ് പാര്ട്ടി ബിജെപി എന്നാല് പാര്ട്ടിയാണ് ഏവരുടേയും കുടുംബം. ഡിഎംകെയുടെ വിനാകാരിയായ ഹിന്ദു വിരുദ്ധ ആശയങ്ങള് വെല്ലുവിളിക്കപ്പെടണം. അവര് അധികാരത്തില് എത്തിയാല് ഹിന്ദു സ്ഥാപനങ്ങളും വിശ്വാസങ്ങളും ആക്രമിക്കപ്പെടും. എന്നാല് അധികാരം കിട്ടാന് അവര് ഹിന്ദു വോട്ടുകള്ക്ക് മുന്നില് കൈനീട്ടും. ഇങ്ങിനെ പോകാന് കഴിയില്ലെന്നും പറഞ്ഞു. കഴിഞ്ഞ ഒക്ടോബറില് കോണ്ഗ്രസ് വിട്ട് ബിജെപിയില് എത്തിയ ഖുശ്ബു അടക്കമുള്ളവര് മത്സരിക്കാനുണ്ട്. ചെന്നൈയിലെ ചെപ്പോക്ക്് ്തിരുവള്ളിക്കനി നിയമസഭാ മണ്ഡലത്തില് മത്സരിക്കുമെന്നാണ് റിപ്പോര്ട്ടുകള്.
