തിരുവനന്തപുരം: ജോലി നിഷേധത്തിനെതിരെ പി.എസ്.സി റാങ്ക് ഹോള്ഡേഴ്സ് നടത്തുന്ന സമരം ശക്തമാകുന്നു. കാലാവധി കഴിഞ്ഞതിനെ തുടര്ന്ന് റദ്ദാക്കപ്പെട്ട സി.പി.ഒ റാങ്ക് ലിസ്റ്റിലുള്ള ഉദ്യോഗാര്ത്ഥികളാണ് ഇന്ന് വേറിട്ട പ്രതിഷേധം സെക്രട്ടേറിയറ്റിനു മുന്നില് നടത്തിയത്. റോഡിലൂടെ ഇഴഞ്ഞാണ് പ്രതിഷേധം.
കടുത്ത ചൂടില് റോഡിലൂടെ ഇഴയുന്നതിനിടെ പലരുടെയും കൈകള് പൊള്ളിപൊളിഞ്ഞു. സമരക്കാരുടെ ദേഹത്ത് വെള്ളമൊഴിച്ച് ചൂട് കുറയ്ക്കാന് ശ്രമിക്കുകയാണ് ഒപ്പമുള്ളവര്. ഇതിനിടെ രണ്ടു പേര് ബോധരഹിതരായി. ഇവരെ ആശുപത്രിയിലേക്ക് മാറ്റി.
തങ്ങളുടെ ന്യായമായ ആവശ്യത്തില് അനുകൂല തീരുമാനം ഉണ്ടാകും വരെ സമരം തുടരുമെന്ന് സി.പി.ഒ ഉദ്യോഗാര്ത്ഥികള് പറഞ്ഞു. 3000 ഓളം ഒഴിവുകളുണ്ടെന്ന് വിവരാവകാശ രേഖയില് പറയുന്നു. ആ ഒഴിവുകളാണ് തങ്ങള് ചോദിക്കുന്നത്. റാങ്ക് ലിസ്റ്റിന്റെ കാലാവധി കഴിഞ്ഞത് ഞങ്ങളുടെ കുറ്റം കൊണ്ടല്ല. കത്തിക്കുത്ത് കേസിലെ പ്രതികള്ക്ക് വേണ്ടി അഞ്ച് മാസം വെച്ചുതാമസിപ്പിച്ചു. നാലു മാസം കൊറോണയുടെ പേരിലും നിയമനം വൈകിപ്പിച്ചുവെന്നും ഉദ്യോഗാര്ത്ഥികള് പറയുന്നു.
