തിരുവനന്തപുരം: മാധ്യമപ്രവര്ത്തകയോട് അശ്ലീലച്ചുവയോടെ പ്രതികരിക്കുകയും സാമൂഹിക മാധ്യമങ്ങളില് അധിക്ഷേപിക്കുകയും ചെയ്ത കേരള ഷിപ്പിങ് ആന്ഡ് ഇന്ലാന്ഡ് നാവിഗേഷന് കോര്പ്പറേഷന് എംഡി എന് പ്രശാന്തിനെ വിമര്ശിച്ച് മന്ത്രി മേഴ്സിക്കുട്ടിയമ്മ. പ്രശാന്തിന്റെ സംസ്കാരത്തിന്റെ പ്രത്യേകതയാണ് അത്തരം സമീപനമെന്നായിരുന്നു മന്ത്രിയുടെ പ്രതികരണം.
ധാരണപത്രത്തില് ഒപ്പിടാന് ധൈര്യപ്പെട്ട ആള് സ്ത്രീകളെ എങ്ങനെ മാനിക്കുന്നുവെന്ന് ഊഹിക്കാവുന്നതേയുള്ളൂവെന്ന് മന്ത്രി വിമര്ശിച്ചു. ആഴക്കടല് മത്സ്യബന്ധന പദ്ധതിയുമായി ബന്ധപ്പെട്ട വിവാദത്തില് പ്രതികരണം തേടിയ മാധ്യമപ്രവവര്ത്തകയെ അശ്ലീലച്ചുവയുള്ള ഇമോജികളിലൂടെ ആക്ഷേപിക്കുകയായിരുന്നു പ്രശാന്ത്. എന്നാല് ഇതിനെതിരെ ശക്തമായ നടപടി സ്വീകരിക്കണമെന്ന് മാധ്യമപ്രവര്ത്തക സംഘടന ആവശ്യപ്പെട്ടിരുന്നു.
ആഴക്കടല് മത്സ്യബന്ധന വിവാദത്തില് ഗൂഢാലോചന നടന്നുവെന്നും ഇതിന് പിന്നില് പ്രവര്ത്തിച്ചവര്ക്കെതിരെ നടപടിയുണ്ടാകുമെന്നും പ്രശാന്തിനെ ലക്ഷ്യമിട്ടുകൊണ്ട് മന്ത്രി മാധ്യമങ്ങളോട് പ്രതികരിച്ചു
