ചേലക്കര: മുസ്ലീം ലീഗിനെ വീണ്ടും എന്ഡിഎയിലേക്ക് സ്വാഗതം ചെയ്ത് ബിജെപി നേതാവ് ശോഭ സുരേന്ദ്രന്. കെ സുരേന്ദ്രന് നയിക്കുന്ന വിജയയാത്ര വേദിയിലാണ് ശോഭ സുരേന്ദ്രന് വീണ്ടും നിലപാട് ആവര്ത്തിച്ചത്. എന്നാല് നേരത്തെ ലീഗിനെ എന്ഡിഎയിലേക്ക് സ്വാഗതം ചെയ്തുകൊണ്ട് ശോഭ രംഗത്തെത്തിയപ്പോള് സംസ്ഥാന അധ്യക്ഷന് കെ സുരേന്ദ്രന് തള്ളിയിരുന്നു. താന് പറഞ്ഞത് ബിജെപിയുടെ നിലാപാടാണെന്ന് വ്യക്തമാക്കികൊണ്ടായിരുന്നു വിജയയാത്രയില് ശോഭ നിലപാട് ആവര്ത്തിച്ചത്.
ഭാവി കേരളത്തിലെ ഭരണകൂടത്തിന് നേതൃത്വം കൊടുക്കുന്ന പാര്ട്ടിയുടെ നിലപാടാണ്. വര്ഗീയ നിലപാട് തിരുത്തി കൊണ്ട് നരേന്ദ്ര മോദിയുടെ നയങ്ങള് തങ്ങള്ക്ക് സ്വാകര്യമാണ് എന്നു പറഞ്ഞാല് മുസ്ലീം ലീഗിനേയും ഉള്ക്കൊള്ളാനുള്ള ദര്ശനമാണ് ബിജെപിയുടെ മുഖമുദ്ര. നാഷണല് കോണ്ഫരന്സുമായി ചേര്ന്ന് കാശ്മീരില് ഭരിച്ചിട്ടുണ്ട്. ദേശീയ അധ്യക്ഷന് ജെപി നഡ്ഡ മുന്നണി വികസനം സംബന്ധിച്ച് വ്യക്തത തന്നിട്ടുണ്ടെന്നും ശോഭ സുരേന്ദ്രന് പറഞ്ഞു.
കെ സുരേന്ദ്രന് നയിക്കുന്ന വിജയയാത്രയ്ക്ക് ചേലക്കരയില് നല്കിയ സ്വീകരണത്തിലാണ് ശോഭ നിലപാട് ആവര്ത്തിച്ചത്. ശോഭയുടെ നിലപാടിനെ സുരേന്ദ്രന് തള്ളിയെങ്കിലും കുമ്മനം രാജശേഖരന് പിന്തുണച്ചു. ലീഗന് മുന്പില് ബിജെപി വാതില് കൊട്ടിയടച്ചിട്ടില്ലെന്നും കൂടുതല് ഗടക കക്ഷികള് ഉണ്ടാകണമെന്നാണ് ആഗ്രഹമെന്നും കുമ്മനം പറഞ്ഞു.
