മലപ്പുറം: പ്രതിപക്ഷം കടുത്ത നിരാശയിലാണെന്നും എവിടെ വികസനമെന്ന ചോദ്യം നിരാശയില് നിന്നും ഉയര്ന്നു വന്നതാണെന്നും മുഖ്യമന്ത്രി പിണറായി വിജയന്. വികസനം ജനങ്ങള്ക്ക് മനസ്സിലായിട്ടുണ്ടെന്നും എല്ഡിഎഫിന് കിട്ടുന്ന ജനപിന്തുണ അതിന്റെ ഭാഗമാണെന്നും എന്നാല് അനാവശ്യ കോലാഹലങ്ങള് ഉയര്ത്തി ശ്രദ്ധ തിരിക്കാനാണ് പ്രതിപക്ഷത്തിന്റെ നീക്കമെന്നും മുഖ്യമന്ത്രി പറഞ്ഞു.
മഞ്ചേരിയില് നടത്തിയ വാര്ത്താസമ്മേളനത്തിലായിരുന്നു മുഖ്യമന്ത്രി ഇക്കാര്യം പറഞ്ഞത്. ജനങ്ങള് എല്ഡിഎഫില് വലിയ പ്രതീക്ഷയും വിശ്വാസവും അര്പ്പിക്കുന്നുണ്ട്. കേരളം നല്ല രീതിയില് മാറിയിരിക്കുകയാണ്. ഗതാഗത യോഗ്യമായ റോഡുകളും പാലങ്ങളും മികച്ച സ്കൂളുകളും ആശുപതികളും വിവിധ പദ്ധതികളും ആര്ക്കും മറച്ചു വെയ്ക്കാനാകാ കാര്യമാണ്. പ്രത്യക്ഷത്തില് നമ്മുടെ നാട് മാറുന്നു എന്ന ബോദ്ധ്യം ഉണ്ടായിരിക്കുകയാണ്.
ഏറ്റവും പ്രയാസകരമായ ഘട്ടത്തിലൂടെ കടന്നുപോകുകയും കഷ്ടപ്പാടും ദുരിതവും അനുഭവിക്കേണ്ടി വരികയും ചെയ്തിട്ടുണ്ട്. അപ്പോള് സര്ക്കാര് ജനങ്ങള്ക്കൊപ്പം ചേര്ന്നിരുന്നു. ഇത് അനുഭവത്തിലൂടെ ജനങ്ങക്ക് ബോദ്ധ്യപ്പെട്ടു. അതിന്റെ സംതൃപ്തിയും സന്തോഷവും എല്ലാ വിഭാഗങ്ങളിലും കാണാന് കഴിഞ്ഞു. ഇതിനെ നേരിടാന് നേരായ മാര്ഗ്ഗം ഇല്ലാത്തതിനാല് അനാവശ്യ കോലാഹലം ഉയര്ത്തി ജനശ്രദ്ധ തിരിച്ചു വിടാനാണ് പ്രതിപക്ഷം നോക്കുന്നത്. കേരളം ഒട്ടും മാറില്ല. കേരളത്തില് ഒരു പുരോഗതിയും ഉണ്ടാകില്ലെന്ന പഴയ ധാരണ തിരുത്താന് ഈ അഞ്ചു വര്ഷം കഴിഞ്ഞു.
കേരളം നല്ല രീതിയില് മാറിയിരിക്കുന്നു എന്ന് ബോദ്ധ്യമുള്ള ജനങ്ങള് ആരീതിയിലുള്ള വികസനം വിജയകരമായി മൂമ്പോട്ട് പോകണം എന്നാണ് പ്രതീക്ഷിക്കുന്നത്. കഴിഞ്ഞ അഞ്ചു വര്ഷം നാട്ടില് നടന്നിട്ടുള്ള വിവകസനപ്രവര്ത്തനങ്ങള് അത് കുടുതല് നല്ലനിലയ്ക്ക് കൊണ്ടുവരാനാണ് ഈ ഗവണ്മെന്റ് നില നില്ക്കുന്നത്. സാമൂഹ്യനീതിയില് അധിഷ്ഠിതമായ വികസനമാണ് നടപ്പാക്കിയത്. ഏത് മഹാമാരിയെയും നേരിടാന് സജ്ജമാണ് ആരോഗ്യമേഖല. ജനങ്ങളുടെ ഒരുമ നില നിര്ത്തി കോവിഡിനെ നേരിട്ടു. ഏറ്റവും കുറഞ്ഞ മരണനിരക്ക് നില നിര്ത്താനും കഴിഞ്ഞു.
