ആള്വാര്: ഗുണ്ടാനേതാവാണെന്ന് അറിയാതെ ജിമ്മില് പരിചയപ്പെട്ട യുവാവിനെ പ്രണയിച്ച ഡോക്ടറുടെ മകള്ക്ക് കിട്ടിയത് രണ്ടുമാസവും എട്ടു ദിവസവും ജയില്വാസം. രാജസ്ഥാനിലെ ആള്വാറില് പപ്പാല ഗുര്ജാര് എന്ന ക്രിമിനലിനെ പ്രണയിച്ച ജിയ എന്ന യുവതിയാണ് കഥയിലെനായിക. ഗുണ്ടയാണെന്ന് അറിയാതെയാണ് പ്രണയിച്ചതെന്നും നിരപരാധിയാണെന്നും തിരിച്ചറിഞ്ഞതിനെ തുടര്ന്ന് ബുധനാഴ്ച യുവതി ജയില് മോചിതയായി.
ഗുണ്ടയാണെന്നത് മറച്ചു വെച്ച് ഡല്ഹിക്കാരനായ ബിസിനസുകാരന് എന്ന വ്യാജേനെയാണ് ഗുര്ജാര് തന്നെ പരിചയപ്പെട്ടതെന്നാണ് ജയില് മോചിതയായ ജിയ പറഞ്ഞു. ലോക്ഡൗണിനെ തുടര്ന്ന് ഇവിടെ കുടുങ്ങിപ്പോയെന്നാണ് ഇയാള് പറഞ്ഞത്. പിന്നീട് ഇരുവരും ജിമ്മിലെത്തിയതോടെ കൂടുതല് സംസാരിക്കാന് തുടങ്ങി. ഒരു ദിവസം സ്വന്തം ജിം തുടങ്ങാന് തന്നോട് ഉപദേശിച്ച ഗുര്ജാര് പണം താന് നല്കാമെന്നും പറഞ്ഞു. അന്നുമുതലാണ് ഇരുവരും അടുക്കാന് തുടങ്ങിയത്. തുടര്ന്ന് പ്രണയത്തിലാകുകയായിരുന്നു. അതേസമയം ഗുര്ജാറിന്റെ ഒരു പണവും താന് ഇതുവരെ അക്കൗണ്ടില് ആക്കിയിട്ടില്ലെന്നും ഇവര് വ്യക്തമാക്കി.
ജിയയുടെ അച്ഛന് ചന്ദ് സിംഗ്ളര് ഒരു ഡോക്ടറാണ് അമ്മ ഒരു വീട്ടമ്മയും രണ്ടു സഹോദരിമാരും ഒരു സഹോദരനുമുണ്ട്. സഹോദരന് വിദ്യാഭ്യാസം ചെയ്യുന്നു. ഭോപ്പാലിലെ ഒരു നവാബ് കുടുംബത്തിലേക്ക് 2014 ല് ജിയയെ വിവാഹം കഴിച്ച് അയച്ചതാണ്. എന്നാല് ഭര്ത്താവിന് മറ്റൊരു ബന്ധം ഉണ്ടായിരുന്നതിനാല് ഇരുവരും വിവാഹമോചനം നേടി. വിവാഹമോചനം നേടിയ ശേഷം മഹാരാഷ്ട്രയിലെ കോലാപ്പൂരിലെ എന്എംഎ മാര്ഷല് ആര്ട്സ് ജിമ്മില് പരിശീലകയായി പ്രവര്ത്തിക്കുകയായിരുന്നു ജിയ.
കണ്ടുമുട്ടുമ്പോള് ദില്ലിയിലെ ഛത്തര്പൂര് നിവാസിയായ മാന്സിംഗിന്റെ മകന് ഹരീഷ് ചന്ദ്ര യാദവിന്റെ വീട്ടില് താമസിക്കുകയാണ് എന്നായിരുന്നു പപ്പാല ഗുര്ജര് പറഞ്ഞിരുന്നത്. ലോക്ക്ഡൗണ് കാരണം തനിക്ക് സ്വന്തം വീട്ടിലേക്ക് പോകാന് കഴിയാത്ത സാഹചര്യം ആണെന്നും അതുകൊണ്ടാണ് അവനൊപ്പം താമസിക്കുന്നതെന്നും പപ്പാല ഗുര്ജാര് അവളോട് പറഞ്ഞു. പപ്പാല ഗുര്ജര് വളരെ സാത്വികനും ആത്മീയനുമായിരുന്നു എന്നാണ് ജിയ പറഞ്ഞത്. പകലും രാവിലെയും വൈകിട്ടും ഹനുമാന് ജി, കാളി മാതാ എന്നിവരെ ആരാധിച്ചിരുന്നു. ജിയ മാംസാഹാരിയും പാപ്പാലയുടെ പൂര്ണ്ണ സസ്യാഹാരിയുമായിരുന്നു.
ജനുവരി 28 ന്് മഹാരാഷ്ട്രയിലെ കോലാപ്പൂരില് നിന്നുമാണ് പപ്പാല ഗുര്ജാറിനൊപ്പം ജിയയെയും പോലീസ് അറസ്റ്റ് ചെയ്തത്. ആദ്യ 7 ദിവസം പോലീസ് കസ്റ്റഡിയിലായിരുന്നു. ഫെബ്രുവരി 4 ന് കോടതി അവരെ ജയിലിലേക്ക് അയച്ചു. ഏകദേശം 2 മാസവും 4 ദിവസവും അവര് ജയിലില് കിടന്നു. ഒരാള് ആരാണെന്ന് അറിയാതെ അയാള്ക്കൊപ്പം മറ്റൊരാള് ഉണ്ടായാല് അയാള് എങ്ങിനെ കുറ്റവാളിയാകും എന്ന ജിയയുടെ അഭിഭാഷകന് അങ്കിത് ബോദ്ധ്യപ്പെടുത്തിയതോടെ ഹൈക്കോടതി ജാമ്യം നല്കുകയായിരുന്നു.
ഒരു ബിസിനസ് മാന് എന്ന സ്വയം വിശേഷിപ്പിച്ചിരുന്ന പപ്പാല ഗുണ്ടയാണെന്ന് ജിയ അറിഞ്ഞിരുന്നില്ല എന്നു വാദിച്ചു. കോഹാപൂരിലെ ജിം പരിശീലകയായിരുന്ന ജിയ ഗാസ, 30,000 മുതല് 35,000 രൂപ വരെ സമ്പാദിച്ചിരുന്നു എന്നും പറഞ്ഞു. ജിയയുടെ ജിമ്മില് പപ്പാല ഗുര്ജറും പോകാന് തുടങ്ങിയതോടെ ഡിസംബര് 13 ന് ഇരുവരും കണ്ടുമുട്ടുകയായിരുന്നു. തുടര്ന്ന് ഇരുവരും അടുപ്പത്തിലായി. ബിസിനസ്സുമായി ബന്ധപ്പെട്ടാണ് എത്തിയത് എന്നും ലോക്ക്ഡൗണ് കാരണം ഇവിടെ കുടുങ്ങി എന്നുമാണ്. ഈ സമയത്ത്, ജിയ പപ്പാലയുടെ പ്രണയ കെണിയില് കുടുങ്ങിയത്.
