കൊല്ക്കത്ത: റീകൗണ്ടിങ്ങ് അനുവദിച്ചാല് ജീവന് അപകടത്തിലാകുമെന്ന് നന്ദിഗ്രാമിലെ റിട്ടേണിങ് ഓഫീസര് പറഞ്ഞതായി പശ്ചിമ ബംഗ ാള് മുഖ്യമന്ത്രി മമത ബാനര്ജി. നന്ദിഗ്രാമിലെ റിട്ടേണിങ് ഓഫീസര് മറ്റൊരാള്ക്ക് അയച്ച എസ്എംഎസ് സന്ദേശത്തിലാണ് വെളിപ്പെടുത്തല് എന്ന് മമത വ്യക്തമാക്കി.
നന്ദിഗ്രാമിലെ തന്റെ പരാജയത്തില് ഗൂഢാലോചന നടന്നിട്ടുണ്ടെന്ന് മമത വീണ്ടും ആവര്ത്തിച്ചു.
നാല് മണിക്കൂര് നേരത്തേക്ക് സെര്വര് ഡൗണായത് സംശയാസ്പദമാണ്. ഗവര്ണര് പോലും തന്നെ വിളിച്ച് അഭിനന്ദനം അറിയിച്ചു. പെട്ടെന്ന് എല്ലാം മാറുകയായിരുന്നു. മമത വാര്ത്താസമ്മേളനത്തില് വ്യക്തമാക്കി. തിരഞ്ഞെടുപ്പ് കമ്മീഷന് ഔദ്യോഗികമായി ഫലം പ്രഖ്യാപിച്ച ശേഷം നന്ദിഗ്രാമിലെ ഫലം മാറ്റി പറഞ്ഞതെങ്ങനെയെന്നും മമത ചോദ്യമുയര്ത്തി. ഇതിനെതിരെ കോടതിയെ സമീപിക്കുമെന്നും അവര് കൂട്ടിച്ചേര്ത്തു.
