ന്യൂഡൽഹി: ഗുസ്തി താരത്തിന്റെ കൊലപാതക കേസിൽ പൊലീസ് തിരയുന്ന ഒളിമ്പിക് മെഡല് ജേതാവ് സുശീല് കുമാറിന്റെ അറസ്റ്റ് വിവരം സ്ഥീരികരിച്ച് ഡൽഹി പൊലീസ്. സെപഷ്യൽ സെൽ സംഘം സൂശീൽ കുമാറിനെ അറസ്റ്റ് ചെയ്തതായി സ്പെഷ്യൽ സെൽ സി പി നീരജ് താക്കൂറാണ് അറിയിച്ചത്. ഒപ്പമുണ്ടായിരുന്ന സഹായി അജയ്യും അറസ്റ്റിലായി.
പഞ്ചാബിൽനിന്നാണ് ഇയാളെ പിടികൂടിയത് സുശീൽ അറസ്റ്റിലാകുന്നത്. മുന് ദേശീയ ജൂനിയര് ഗുസ്തി ചാമ്പ്യന് സാഗര് കുമാറിന്റെ കൊലപാതകവുമായി ബന്ധപ്പെട്ട് സുശീല് ഒളിവില് പോയിരിക്കുകയായിരുന്നു. ഈ മാസം നാലിനാണ് വാടക വീട് ഒഴിയുന്നതുമായി ബന്ധപ്പെട്ട തര്ക്കത്തില് ദില്ലി ഛത്രസാല് സ്റ്റേഡിയത്തില്വെച്ച് സാഗര് കൊല്ലപ്പെട്ടത്.
സംഭവത്തിനുശേഷം ഒളിവില് പോയ സുശീൽ കുമാര് ഹരിദ്വാറിലെ ഒരു ആശ്രമത്തിലുണ്ടെന്നായിരുന്നു നേരത്തെയുള്ള റിപ്പോര്ട്ടുകള്. അറസ്റ്റ് ഒഴിവാക്കാനായി സുശീല്കുമാര് നല്കിയ മുൻകൂര് ജാമ്യാപേക്ഷ ദില്ലി കോടതി കഴിഞ്ഞ ദിവസം തള്ളിയിരുന്നു. ഒളിവില് കഴിയുന്ന സുശീലിനെ പിടികൂടാന് ദില്ലി, ഉത്തരാഖണ്ഡ്, ഹരിയാന എന്നിവിടങ്ങളിലെ ചില പ്രദേശങ്ങളില് നേരത്തെ പൊലീസ് റെയ്ഡ് നടത്തിയിരുന്നു. എന്നാൽ ഒടുവിൽ പഞ്ചാബിൽ നിന്നാണ് ഇയാൾ അറസ്റ്റിലായത്.
