തിരുവനന്തപുരം : പാര്ട്ടിയെ ശക്തിപ്പെടുത്താനുള്ള അവസരം തടഞ്ഞത് ഗ്രൂപ്പ് നേതാക്കളെന്ന് അശോക് ചവാന് കമ്മിറ്റി മുന്പാകെ തുറന്നടിച്ച് മുല്ലപ്പള്ളി രാമചന്ദ്രന്. അശോക് ചവാന് സമിതി റിപ്പോര്ട്ട് ജൂണ് ഒന്നിന് ഹൈക്കമാഡിന് സമര്പ്പിക്കും. അവഹേളിച്ച് ഇറക്കിവിടരുതെന്നും അശോക് ചവാന് കമ്മിറ്റിക്ക് മുന്പാകെ മുല്ലപ്പള്ളി വ്യക്തമാക്കി.
മാന്യമായി പദവി ഒഴിയാന് അനുവദിക്കണമെന്നും തോല്വിയുടെ ഉത്തരവാദിത്വത്തില് നിന്ന് ഒഴിഞ്ഞുമാറുന്നില്ലെന്നും മുല്ലപ്പള്ളി പറഞ്ഞു. താന് രാജിവയ്ക്കാന് തയ്യാറായിട്ടും ഹൈക്കമാന്ഡ് അനുവദിച്ചില്ല. ഇത് താന് പദവിയില് കടിച്ചുതൂങ്ങുന്നയാളെന്ന പ്രചരണത്തിന് ഇടയാക്കി. വ്യക്തിപരമായി ഇതു തന്നെ വേദനിപ്പിച്ചു.ഹൈക്കമാന്ഡിന് എന്നും വിധേയമായി പ്രവര്ത്തിച്ചയാളാണ് ഇനിയും അതുണ്ടാകുമെന്നും ഗ്രൂപ്പുകള്ക്ക് അതീതമായി സ്വതന്ത്രമായി പ്രവര്ത്തിക്കാന് സാഹചര്യമുണ്ടായില്ലെന്നും മുല്ലപ്പള്ളി പറഞ്ഞു.
എന്നാല് മുല്ലപ്പള്ളിയെ ന്യായീകരിച്ച് രമേശ് ചെന്നിത്തലയും, പ്രതിപക്ഷ നേതാവ് വിഡി സതീശനും രംദത്ത് വന്നു. സമൂഹമാധ്യമങ്ങളില് വേട്ടയാടപ്പെടേണ്ട വ്യക്തി അല്ല മുല്ലപ്പള്ളിയെന്ന് വിഡി സതീശന് പറഞ്ഞു.
