മുംബൈ: യാസ് ചുഴലിക്കാറ്റ് വന്നുപോയിട്ടും അഹങ്കാരത്തിന്റെ ചുഴലിക്കാറ്റ് ഇപ്പോഴും ബംഗാള് ഉള്ക്കടലില് വീശിയടിക്കുന്നുണ്ടെന്ന്
ശിവസേന മുഖപത്രം സാമ്ന.
‘യാസ് ചുഴലിക്കാറ്റ് ഒക്കെ വന്നു പോയി. ഇപ്പോഴും അഹങ്കാരത്തിന്റെ ചുഴലിക്കാറ്റ് ബംഗാള് ഉള്ക്കടലില് വീശിയടിക്കുകയാണ്. ബംഗാള് മുഖ്യമന്ത്രി മമത ബാനര്ജിയും ചീഫ് സെക്രട്ടറി അലപന് ബന്ദിയോപാധ്യായയും പ്രധാനമന്ത്രിയുടെ ചുഴലിക്കാറ്റ് അവലോകന യോഗത്തില് പങ്കെടുക്കാത്തതാണ് കാരണമെന്ന് ലേഖനത്തില് പറയുന്നു.
രാഷ്ട്രീയ നേട്ടങ്ങള്ക്കായുള്ള ഇത്തരം നടപടി കേന്ദ്ര-സംസ്ഥാന ബന്ധങ്ങളില് വിള്ളല് വരുത്തുമെന്നും ലേഖനത്തില് പറയുന്നു. യാസ് ചുഴലിക്കാറ്റിനെത്തുടര്ന്നുണ്ടായ നാശനഷ്ടങ്ങള് വിലയിരുത്താന് പ്രധാനമന്ത്രി വിളിച്ചു ചേര്ത്ത യോഗത്തില് നിന്ന് ബംഗാള് മുഖ്യമന്ത്രി മമത ബാനര്ജിയും ചീഫ് സെക്രട്ടറിയും ഇറങ്ങിപ്പോയെന്ന് ആരോപിച്ചായിരുന്നു ബംഗാളിനെതിരെ നടപടിയുമായി കേന്ദ്രം രംഗത്തെത്തിയത്.
