റായ്പൂര്: പണപ്പെരുപ്പെത്തെ ദേശീയ വിപത്തെന്ന് വിളിക്കുന്നവര് ഭക്ഷണം ഉപേക്ഷിക്കണമെന്ന വിവാദ പ്രസ്താവനയുമായി ബിജെപി എംഎല്എ. ഛത്തീസ്ഗഢിലെ ബിജെപി എംഎല്എയും മുന് മന്ത്രിയുമായ ബ്രിജ്മോഹന് അഗര്വാളാണ് വിവാദ പ്രസ്താവന ഉയര്ത്തിയത്.
'പണപ്പെരുപ്പം' ദേശീയ വിപത്തായി കാണുന്നവര് ഭക്ഷണം ഉപേക്ഷിക്കുകയും പെട്രോള് ഉപയോഗിക്കുന്നത് നിര്ത്തുകയും ചെയ്യണം' എന്നായിരുന്നു വിവാദ പ്രസ്താവന. തുടര്ന്ന് പ്രസ്താവനയ്ക്കെതിരെ കോണ്ഗ്രസ് രംഗത്തെത്തി. പ്രസ്താവന ലജ്ജാകരമെന്ന് പ്രതികരിച്ച കോണ്ഗ്രസ് , കേന്ദ്രത്തെ എതിര്ക്കുന്നവരോട് രാജ്യം വിടാന് ബിജെപി ആവശ്യപ്പെടുന്ന ദിവസം വിദൂരമല്ലെന്നും കോണ്ഗ്രസ് തുറന്നടിച്ചു.
വ്യാഴാഴ്ചയാണ് മാധ്യമങ്ങളോട് സംസാരിക്കവെ എംഎല്എയുടെ വിവാദ പ്രസ്താവന. 'പണപ്പെരുപ്പം' ദേശീയ വിപത്താണെന്ന് വിളിക്കുന്നവര്ഭക്ഷണവും മദ്യപാനവും അവസാനിപ്പിക്കണം. ഭക്ഷണം ഉപേക്ഷിച്ച് പെട്രോള് ഉപയോഗിക്കുന്നതും അവസാനിപ്പിക്കണം. കോണ്ഗ്രസുകാരും കോണഗ്രസിന് വോട്ട് ചെയ്തുവരും അങ്ങനെ ചെയ്താല് പണപ്പെരുപ്പം സ്വയമേ കുറയും എംഎല്എ പറഞ്ഞു. എംഎല്എ പ്രസ്താവന നടത്തുന്ന വീഡിയോ സോഷ്യല് മീഡിയയില് വ്യാപമായി പ്രചരിക്കുകയാണ്. പ്രസ്താവന വിവാദമായതിന് പിന്നാലെ അദേഹം വിശദീകരണവുമായി രംഗത്തെത്തി.
