ന്യൂഡല്ഹി: കോവിഡ് രോഗവ്യാപന തോത് കുറഞ്ഞതോടെ ഉത്തര്പ്രദേശും ബിഹാറും ലോക്ഡൗണില് കാര്യമായ ഇളവ് ഏര്പ്പെടുത്തുന്നു. യു.പിയില് 75 ജില്ലകളില് പ്രതിദിന രോഗികള് 600ല് താഴെ എത്തിയതോടെയാണ് ഇളവ് നല്കാന് സര്ക്കാര് തീരുമാനിച്ചത്.നാളെ മുതലായിരിക്കും ഇളവ്. എന്നാല് രാത്രി ഏഴ് മുതല് രാവിലെ ഏഴ് വരെ രാത്രികാല കര്ഫ്യു തുടരും. വാരാന്ത്യ സമ്പര്ണ കര്ഫ്യൂവും എല്ലാ ജില്ലകളിലും തുടരും.
ബിഹാറില് നാളെ മുതല് ലോക്ഡൗണ് ഇളവുകള് തുടങ്ങും. പകല് പരിമിതിമായ നിയന്ത്രണങ്ങള് ഏര്പ്പെടുത്തുമെങ്കിലും രാത്രി 7 മുതല് പുലര്ച്ചെ 5 വരെ ശക്തമായ കര്ഫ്യു ആയിരിക്കുമെന്നും മുഖ്യമന്ത്രി നിതീഷ് കുമാര് അറിയിച്ചു. സര്ക്കാര്, സ്വകാര്യ ഓഫീസുകള് വൈകിട്ട് നാല് മണിവരെ 50% ജീവനക്കാരെ വച്ച് പ്രവര്ത്തിപ്പിക്കാം. ഷോപ്പുകള് വൈകിട്ട് അഞ്ച് വരെ തുറക്കാം. ഓണ്ലൈന് ക്ലാസുകള് തുടരും. സ്വകാര്യ വാഹനങ്ങള് നിരത്തിലിറക്കാം. ഒരാഴ്ചത്തേക്കാണ് ഈ ഇളവുകള് പ്രഖ്യാപിച്ചിരിക്കുന്നത്.
അതേസമയം, മധ്യപ്രദേശില് കോവിഡ് കര്ഫ്യൂ ജൂണ് 15 വരെ തുടരും. ചില ഇളവുകള് അനുവദിക്കാനും ഇന്നു ചേര്ന്ന മന്ത്രിസഭാ യോഗത്തില് തീരുമാനിച്ചതായി മുഖ്യമന്ത്രി ശിവരാജ് സിംഗ് ചൗഹാന് അറിയിച്ചു.
ആന്ധ്രാപ്രദേശില് അഞ്ച് വയസ്സില് താഴെ പ്രായമുള്ള കുട്ടികളുള്ള അമ്മമാര്ക്കെല്ലാം വാക്സിന് നല്കാന് സര്ക്കാര് തീരുമാനിച്ചു. ഹെല്ത്ത് ഇന്സ്പെക്ടര്മാരും മെഡിക്കല് ഓഫീസര്മാരും ഇത്തരം അമ്മമാരുടെ പട്ടിക തയ്യാറാക്കി ആരോഗ്യ വകുപ്പിന് കൈമാറണം.
