നാഗർകോവിൽ : റേഷൻ കാർഡുടമകൾക്ക് വാഗ്ദാനം ചെയ്ത ഭക്ഷ്യ വസ്തുക്കളും സാമ്പത്തീക ധനസഹായത്തിന്റെയും രണ്ടാം ഗഡുവും തമിഴ്നാട് വിതരണം തുടങ്ങി. ധാന്യങ്ങളും പലവ്യഞ്ജനങ്ങളും അടങ്ങിയ കിറ്റും 2000 രൂപയും അടങ്ങുന്നതാണ് സഹായം. കാര്ഡ് ഉടമകളായ 2.11 കോടി കാര്ഡുടമകളായ കുടുംബങ്ങള്ക്ക് ഗുണം കിട്ടുന്നതാണ് സഹായം.
ഡിഎംകെയുടെ തിരഞ്ഞെടുപ്പ് വാഗ്ദാനമായിരുന്നു ഈ സഹായം . 4000 രൂപയും ഭക്ഷ്യധാന്യ കിറ്റും. 500 രൂപ വില വരുന്ന സാധനങ്ങളുടെ ഭക്ഷ്യക്കിറ്റും. ആദ്യ ഗഡുവായ 2000രൂപയും കിറ്റും കഴിഞ്ഞ മാസം വിതരണം ചെയ്തിരുന്നു. 14 ഇനം ഭക്ഷ്യവസ്തുക്കളടങ്ങിയ കിറ്റും രണ്ടായിരും രൂപയും റേഷൻകടകളിൽ നിന്നു തന്നെ വിതരണം ചെയ്തു. ഏതാണ്ട് 240 കോടി രൂപയാണ് ഈ ഇനത്തിൽ പണമായി മാത്രം നൽകുക.
കേരളത്തോട് ചേര്ന്നു കിടക്കുന്ന കന്യാകുമാരി ജില്ലാതല ഉദ്ഘാടനം കാട്ടാത്തുറയിൽ മന്ത്രി ടി.മനോതങ്കരാജ് നിർവഹിച്ചു. 500 രൂപയുടെ നാലു നോട്ടുകളും വലിയൊരു കിറ്റുമായി മടങ്ങുന്ന വയോധികർ അടക്കമുള്ളവുരുടെ ചിത്രങ്ങൾ സമൂഹമാധ്യമത്തിൽ പ്രചരിച്ചു. ജില്ലയിലെ 776 റേഷൻ കടകളിലായി ആറുലക്ഷം കാർഡുടമകൾക്ക് ഇതിന്റെ പ്രയോജനം ലഭിക്കുന്നത്.
വെളളയരി, അയോഡൈസ്ഡ് ഉപ്പ്, ഒരു കിലോ റവ, പഞ്ചസാര, ഉഴുന്നുപരിപ്പ് അരകിലോ വീതം. വാളംപുളി, കടല എന്നിവ കാല്കിലോ വീതം, കടുക്, ജീരകം, മഞ്ഞള്പൊടി, മുളകുപൊടി എന്നിവ നൂറു ഗ്രാം വീതം, 125 ഗ്രാമിന്റെ കുളിസോപ്പും കാല് കിലോ തൂക്കമുള്ള ബ്രാന്ഡഡ് അലക്ക് സോപ്പുമാണ് കിറ്റിലുള്ളത്. 2000 രൂപ വീതം രണ്ടു തവണയായി 4000 രൂപയാണ് നല്കുന്നത്.
