ബംഗലുരു: ഇന്ത്യയിലെ മികച്ച ഷട്ടില് ബാഡ്മിന്റണ് താരങ്ങളില് ഒരാളും ഒളിമ്പിക് മെഡല് ജേതാവുമായ സൈനാ നേവാള് ഉത്തര്പ്രദേശിലെ സിലാപഞ്ചായത്ത് ചെയര്പേഴ്സണ് തെരഞ്ഞെടുപ്പില് ബിജെപിയുടെ വിജയത്തെ അഭിനന്ദിച്ച് പിടിച്ചത് പുലിവാല്. കായികതാരം പക്ഷം പിടിച്ച് സംസാരിച്ചെന്ന് വിമര്ശിച്ച് ട്വിറ്ററില് വലിയ രീതിയിലാണ് വിമര്ശനം ഉയര്ന്നിരിക്കുന്നത്.
യുപിയിലെ സിലാ പഞ്ചായത്ത് ചെയര്പേഴ്സണ് തെരഞ്ഞെടുപ്പില് വിജയത്തില് ഹൃദയംഗമായ അഭിനന്ദനം എന്ന സൈനയുടെ ട്വീറ്റാണ് ബിജെപി വിരുദ്ധരെ ചൊടിപ്പിച്ചത്. പ്രതിപക്ഷ പാര്ട്ടിയിലെ നേതാക്കളും പ്രതിപക്ഷത്തെ നെറ്റിസണ്മാരും താരത്തെ വിമര്ശിച്ച് രംഗത്ത് വന്നു. സൈനാ നേവാള് ഒരു കായിക താരമാണെന്നും രാഷ്ട്രീയത്തിനപ്പുറത്ത് അവരെ എല്ലാവരും ഇഷ്ടപ്പെടുകയും ആരാധിക്കുകയും ചെയ്യുന്നയാളാണെന്നും ഇവര് ട്വീറ്റ് ചെയ്തു. സര്ക്കാര് ഷട്ട്ലര് ബിജെപി സ്കില് തിരിച്ചറിഞ്ഞു എന്നായിരുന്നു ഒരാളുടെ വിമര്ശനം. തങ്ങളുടെ തീരുമാനം വഴി സ്വാധീനിക്കാനുള്ള സെലിബ്രിട്ടികളുടെ നീക്കത്തിനെതിരേ ജനങ്ങള് ഷോട്ട് നല്കണമെന്നും പറയുന്നു.
മതേതരത്വം രൂപപ്പെടുത്തിയ നിങ്ങളുടെ ആരാധകരെ ഭിന്നിപ്പിക്കുന്നു...എന്താണ് കളി നിര്ത്താന് പോകുകയാണ് സൈന? എന്നായിരുന്നു തമിഴ്നാട്ടിലെ കോണ്ഗ്രസ് നേതാവ് അസ്ളം ബാഷയുടെ ട്വീറ്റ്. 2012 ലണ്ടന് ഒളിമ്പിക്സില് വെങ്കല മെഡല് നേടിയ താരമാണ് സൈന. കഴിഞ്ഞ വര്ഷമാണ് സൈനയും സമഹാദരി അബു ചന്ദ്രാംശു നേവാളും ബിജെപിയില് ചേര്ന്നത്. നരേന്ദ്രമോഡിയാണ് തങ്ങളുടെ പ്രചോദനമെന്നായിരുന്നു അന്ന് സൈനാ നേവാള് പറഞ്ഞിരുന്നു.
