കൊല്ലം :കരിയിലക്കൂട്ടത്തില് ഉപേക്ഷിച്ച പിഞ്ചു കുഞ്ഞ് മരിച്ച കേസില് അറസ്റ്റിലായ അമ്മ രേഷ്മയെ പൊലീസ് വീണ്ടും ചോദ്യം ചെയ്തു. കഴിഞ്ഞ ദിവസമാണ് തന്റെ ഫേസ്ബുക്ക് കാമുകൻ തന്റെ ബന്ധുക്കൾ ആയിരുന്നെന്നു രേഷ്മ അറിഞ്ഞത്.
ഗ്രീഷ്മയുടെ ആണ്സുഹൃത്തിനെപ്പറ്റി ഭര്ത്താവ് വിഷ്ണുവിനോടും മറ്റു ബന്ധുക്കളോടും പറഞ്ഞിരുന്നു.
അതിലുള്ള വൈരാഗ്യമാകാം തന്നെ കബളിപ്പിക്കാന് കാരണമെന്ന് രേഷ്മ മൊഴി നല്കി. രേഷ്മയുടെ ഭര്ത്താവിന്റെ സഹോദരിയുടെ മകളാണ് ഗ്രീഷ്മ. അതെ സമയം തനിക്ക് അനന്തു എന്ന കാമുകൻ ഉണ്ടെന്നു തന്നെയാണ് രേഷ്മ ഇപ്പോഴും പറയുന്നത്.
കാമുകനെ കാണാന് താന് വര്ക്കലയില് പോയിരുന്നു എന്നും രേഷ്മ പൊലീസിനോട് പറഞ്ഞു. അതിനുശേഷമായിരിക്കാം ആര്യയും ഗ്രീഷ്മയും ചേര്ന്ന് തന്നെ കബളിപ്പിക്കാന് തുടങ്ങിയതെന്നും രേഷ്മ പറഞ്ഞു.
ജയിലിലെത്തിയാണ് പൊലീസ് രേഷ്മയെ ചോദ്യം ചെയ്തത്. മരിച്ച ആര്യ രേഷ്മയുടെ ഭര്ത്താവിന്റെ സഹോദരഭാര്യയാണ്. പൊലീസ് ചോദ്യം ചെയ്യാന് വിളിപ്പിച്ചതിന് പിന്നാലെ ഇരുവരും ഇത്തിക്കരയാറ്റില് ചാടി ആത്മഹത്യ ചെയ്യുകയായിരുന്നു.
