ന്യൂഡല്ഹി: ഇന്ത്യയുടെ കോവിഡ് പ്രതിസന്ധി ലോക സമ്പദ് വ്യവസ്ഥയെ തന്നെ പാളം തെറ്റിക്കുമെന്ന് വിദഗ്ദ്ധര്. ഇന്ത്യയില് രണ്ടാം തരംഗം രൂക്ഷമായി പിടിമുറുക്കിയപ്പോള് സഹായവുമായി ലോകരാഷ്ട്രങ്ങള് ഓടിയെത്തിയതിന് കാരണവും ഇതുതന്നെയാണെന്നും കോവിഡ് മൂലം ഇന്ത്യയിലെ സമ്പദ് വ്യവസ്ഥ താളം തെറ്റുന്നത് ആശങ്കയോടെയാണ് ലോകരാഷ്ട്രങ്ങള് നോക്കിക്കാണുന്നതെന്നുമാണ് സാമ്പത്തീക വിദഗ്ദ്ധരുടെ നിലപാട്.
കോവിഡിന്റെ രണ്ടാം തരംഗം രാജ്യത്ത് കനത്ത നാശമാണ് വിതച്ചത്. അതേസമയം ഇന്ത്യയില് കോവിഡ് കേസുകളുടെ കണക്കുകള് രേഖപ്പെടുത്തിയ രീതി ശരിയല്ലെന്നും വിദഗ്ദ്ധര് വിലയിരുത്തുന്നുണ്ട്. സര്ക്കാരിന്റെ അലംഭാവം, ഡേറ്റാ കളക്ഷനിലെ അപാകത, ഡേറ്റയിലെ യാഥാര്ത്ഥ്യം അംഗീകരിക്കാന് കാട്ടുന്ന മടി, വൈറസിന്റെ പുതിയ വകഭേദങ്ങള്. രേഖപ്പെടുത്തുന്നതിനെ സ്വാധീനിക്കുന്ന മതപരവും രാഷ്ട്രീയപരവുമായ കാര്യങ്ങള് എന്നിവയെല്ലാം കണക്കുകളില് പ്രതിഫലിച്ചപ്പോഴാണ് രണ്ടാം തരംഗം കൂടതല് രൂക്ഷമായി മാറിയതെന്നും പറയുന്നു.
പല രീതിയിലും മാനവികതയ്ക്ക് മേലുള്ള ഒരു വലിയ പ്രതിസന്ധിയാണ് ഇക്കാര്യമെന്ന് വ്യക്തമാണ്. ലോക ജനസംഖ്യയുടെ ആറിലൊന്ന് പേരോളം വരുന്ന 1.4 ബില്യണ് ആള്ക്കാര് ഇന്ത്യയിലുണ്ട്. ഇത് ലോക സമ്പദ് വ്യവസ്ഥയെ വലിയ രീതിയിലാണ് ബാധിക്കാന് പോകുന്നതെന്നും പറയുന്നു. ലോക സമ്പദ് വ്യവസ്ഥയ്ക്ക് വലിയ സംഭാവന ചെയ്യുന്നവരുടെ പട്ടികയില് അഞ്ചാമതാണ് ഇന്ത്യ. വലിപ്പത്തിലും വളര്ച്ച (നാലു ശതമാനത്തിനും എട്ടു ശതമാനത്തിനും ഇടയില്) ലോക സമ്പദ് വ്യവസ്ഥയുടെ വളര്ച്ചയില് വലിയ പങ്കു വഹിക്കുന്നു.
2018 ലെയും 2019 ലെയും സാമ്പത്തീക വളര്ച്ച മന്ദഗതിയില് ആയതിന് കാരണം ഇന്ത്യയുടെ വൈവിദ്ധ്യമില്ലാതിരുന്ന വരുമാനമാണെന്നാണ് മഹാമാരിക്ക് തൊട്ടുമുമ്പ് കോവിഡ് പിടിമുറുക്കിയ 2020 ന്റെ തുടക്കത്തില് ഐഎംഎഫ് പറഞ്ഞത്. ഉപദ്വീപില് നിന്നും പ്രതീക്ഷിക്കപ്പെടുന്ന സാമ്പത്തീക വളര്ച്ചയുടെ കാര്യത്തില് ഐഎംഎഫ് 2020 ലെ പ്രവചനം 5.8 ശതമാനത്തിലേക്ക് തരംതാഴ്ത്തുകയും ചെയ്തിരുന്നു.
ലോക സാമ്പത്തീക വളര്ച്ച 2020 ല് നാലു ശതമാനമായി വീണപ്പോള് ഇന്ത്യയുടേത് 10 ശതമാനമാണ് കുറഞ്ഞത്. ഇന്ത്യയിലും ലോകത്തും ഇത് ശക്തമായി തിരിച്ചുവരുമെന്നായിരുന്നു എല്ലാവരും പ്രതീക്ഷിച്ചത്. എന്നാല് ഇപ്പോള് അത് കൂടുതല് സംശയാസ്പദമായി. ബ്രസീല്, ദക്ഷിണാഫ്രിക്ക എന്നിവരും മഹാമാരിയുമായി ബന്ധപ്പെട്ട രണ്ടുപ്രശ്നങ്ങളില് കുരുങ്ങിയതോടെ ലോക വളര്ച്ചയെ ഗുരുതരമായി ബാധിക്കുമെന്നാണ് കണക്കാക്കേണ്ടത്.
ഇന്ത്യയില് പ്രതിസന്ധി നില നില്ക്കുന്ന സാഹചര്യത്തില് അന്താരാഷ്ട്ര നിയന്ത്രണങ്ങള് കുടി നിലനില്ക്കുമ്പോള് പ്രശ്നങ്ങള് കൂടുതല് ഗുരുതരമാകും. അടുത്തിടെ ന്യൂഡല്ഹിയില് നിന്നും ഹോങ്കോംഗിലേക്കുള്ള ഒരു വിമാനത്തിലെ 52 യാത്രക്കാരാണ് കോവിഡ് പരിശോധനയില് പോസിറ്റീവായത്. ഇന്ത്യന് വേരിയന്റുകള് യുകെയില് ഉണ്ടെന്ന് ഇപ്പോള് തന്നെ ഏവര്ക്കും അറിയാം. രോഗം പടരാതിരിക്കാന് ഇന്ത്യ ചെയ്തത് കര്ശനമായ ക്വാറന്റൈനും യാത്രാ വിലക്കുകളുമായിരുന്നു. ഈ വാര്ത്ത വ്യോമഗതാഗതത്തിനും എയര്പോര്ട്ടുകള്ക്കും അതുമായിബന്ധപ്പെട്ട ബിസിനസുകള്ക്കും മോശം വാര്ത്തയായി. അത് ആഗോള സാമ്പത്തീക വളര്ച്ചയെ വളരെ മോശമായി ബാധിക്കുകയും ചെയ്തു.
ഇന്ത്യയിലെ മരുന്ന് വ്യവസായവും ലോകത്ത് തന്നെ ഏറ്റവും വലിയ മൂന്നാമത്തേതാണ്. മൊത്തം മരുന്നുകളുടെ കയറ്റുമതി കാര്യത്തില് 3.5 ശതമാനവും ആഗോള ജനറിക് മരുന്നു കയറ്റുമതിയില് 20 ശതമാനവും വഹിക്കുന്നു. ലോകത്തുടനീളമായി ആരോഗ്യമേഖലയില് ഉണ്ടായിരിക്കുന്ന സംഭവവികാസങ്ങള് പരിഗണിക്കുമ്പോള് ഈ കയറ്റുമതി ഇനി സംശയകരമാണ്. ആഗോള വളര്ച്ചെയെ ഇന്ത്യയ്ക്ക് ഇനി പരിപാലിക്കാന് കഴിയുമോ എന്നും സംശയിക്കപ്പെടുന്നു.
എല്ലാറ്റിനും ഉപരിയായി നിലവിലെ സാഹചര്യത്തില് ലോകത്തെ 70 ശതമാനം വാക്സിനുകള് ഉല്പ്പാദിപ്പിക്കുന്നതും ഇന്ത്യയാണ്. വാക്സിന് കയറ്റുമതി ചെയ്തത് മൂലം ഇന്ത്യയുടെ കാര്യം കൂടുതല് വഷളായി. ഇതോടെ കയറ്റുമതി മാറ്റി വെയ്ക്കുകയോ തല്ക്കാലം നിര്ത്തി വെയ്ക്കുകയോ ചെയ്യേണ്ട സ്ഥിതിയാണ്. പുതിയ തരംഗത്തിന്റ പശ്ചാത്തലത്തില് ബിസിനസ് പഴയപടി തിരികെ വരാനുള്ള ശ്രമങ്ങളെല്ലാം തടസ്സപ്പെട്ടിരിക്കുകയാണ്.
ലോകാരോഗ്യ സംഘടനയുടെ കോവാക്സ് പ്രോഗ്രാമില് 64 വരുമാനം കുറവുള്ള രാജ്യങ്ങളില് ആസട്രാസെനേക്കാ വാക്സിന് നിര്മ്മിക്കാനുള്ള അവസരം കിട്ടിയിട്ടുള്ളത് സെറം ഇന്സ്റ്റിറ്റ്യൂട്ട് ഓഫ് ഇന്ത്യയ്ക്കാണ്. യുകെയ്ക്ക് ഇതിനകം അഞ്ച് ദശലക്ഷം ഡോസുകളും നല്കിക്കഴിഞ്ഞു. ലോകത്ത് മറ്റിടങ്ങളിലേക്ക് മരുന്നു വിതരണവും താല്ക്കാലികമായി നിര്ത്തി വെച്ചിരിക്കുകയാണ്. ലോക് ഡൗണ്, സാമൂഹ്യ അകലം തുടങ്ങിയ കാര്യങ്ങളെല്ലാം വന്നപ്പോള് സമ്പദ് വ്യവസ്ഥയുടെ പ്രവര്ത്തനങ്ങള് താഴേയ്ക്കായി.
അമേരിക്കയിലും പടിഞ്ഞാറന് യൂറോപ്പിലും അനേകം ബാക്ക് ഓഫീസ് സ്റ്റാഫുകളെ ഇന്ത്യ പ്രദാനം ചെയ്യുന്നുണ്ട്. പ്രത്യേകിച്ച് ആരോഗ്യ സമ്പദ് മേഖലകളില്. ഈ സേവനങ്ങള്ക്ക് തിരിച്ചടി നേരിടുമ്പോള് ഇന്ത്യന് സമ്പദ് വ്യവസ്ഥ ലോക സമ്പദ്വ്യവസ്ഥയെ വലിച്ചിഴയ്ക്കപ്പെടുമെന്ന ആശങ്ക യുഎസ് ചേംബര് ഓഫ് കൊമേഴ്സും പങ്കുവെയ്ക്കപ്പെടുന്നു. ബ്രെക്സിറ്റിന് ശേഷം ഇന്ത്യയുമായുള്ള് വ്യാപാര ബന്ധം യുകെയ്ക്ക് പ്രധാനപ്പട്ട ഒന്നാണ്.
2021 ല് രണ്ടു തവണ ബ്രിട്ടീഷ് പ്രധാനമന്ത്രി ബോറിസ് ജോണ്സന്റെ ഇന്ത്യാ സന്ദര്ശനം മഹാമാരി മുലം മാറ്റി വെയ്ക്കപ്പെട്ടിരുന്നു. ഇതെല്ലാം കാരണമാണ് ആവശ്യം ഉണ്ടെങ്കിലും ഇല്ലെങ്കിലും മാനവിക പ്രതിസന്ധിയില് ഇന്ത്യയെ സഹായിക്കാന് ലോകം മുഴുവന് അതിവേഗം പ്രവര്ത്തിക്കാന് കാരണം. മുന്നിര ശക്തികള് ഇന്ത്യയെ സഹായിക്കാന് മടിച്ചിരുന്നെങ്കില് ഇന്ത്യയുടെ പ്രതിസന്ധി ലോകത്തിന്റെ പ്രതിസന്ധിയായി ചെറിയ രീതിയിലെങ്കിലും മാറുമായിരുന്നു. ആരോഗ്യത്തിന് മാത്രമല്ല സമ്പദ് വ്യവസ്ഥയ്ക്കും.
