വിവാദ വ്യവസായി രാജ്കുന്ദ്രയ്ക്കും ശില്പ്പാഷെട്ടിയ്ക്കും ദുരിതം തുടരുന്നു. നീലച്ചിത്ര നിര്മ്മാണത്തിന് അറസ്റ്റിലായതിന് പിന്നാലെ ശില്പ്പാഷെട്ടിയുമായി ബന്ധപ്പെട്ട വാര്ത്തകള് പുറകേ പുറകേ പ്രവഹിക്കുകയാണ്. ഭര്ത്താവ് രാജ്കുന്ദ്രയ്ക്കും ശില്പ്പാഷെട്ടിക്കും സഹോദരി ഷമിതാ ഷെട്ടിയ്ക്കും പിന്നാലെ പുതിയതായി വാര്ത്തയില് എത്തിയിരിക്കുന്നത് മാതാവ് സുനന്ദാഷെട്ടിയത്
വസ്തു കച്ചവടവുമായി ബന്ധപ്പെട്ട് ഒരാള് ഒന്നരക്കോടി രൂപ വഞ്ചിച്ചെന്ന് ആരോപിച്ച് ശില്പ്പാഷെട്ടിയുടെ മാതാവ് സുനന്ദാ വഞ്ചനാക്കുറ്റത്തിന് കേസ് കൊടുത്തു. 1.6 കോടി രൂപയ്ക്ക് സുനന്ദ വാങ്ങിയ ഒരു ഭൂമിയുമായി ബന്ധപ്പെട്ട് സുധാകര് ഗരേ എന്നയാള് വ്യാജ രേഖകളാണ് നല്കിയതെന്നാണ് ആരോപണം. പരാതിയുടെ അടിസ്ഥാനത്തില് മുംബൈ പോലീസ് കേസെടുത്തു.
മാധ്യമങ്ങള് അപകീര്ത്തിപ്പെടുത്തുന്നു എന്നാരോപിച്ച് ശില്പ്പാഷെട്ടി മുംബൈ കോടതിയെ സമീപിച്ചതിന് പിന്നാലെയാണ് മാതാവിന്റെ കാര്യവും പുറത്തുവന്നിരിക്കുന്നത്. അതേസമയം ശില്പ്പയ്ക്കും രാജ് കുന്ദ്രയ്ക്കും ദുരിതം തീരുന്നില്ല. ഇവരുടെ വിവാന് ഇന്ഡസ്ട്രീസുമായി ബന്ധപ്പെട്ട് മാര്ക്കറ്റ് റെഗുലേറ്ററായ സെബി പിഴ ചുമത്തിയിരക്കുകയാണ്.
നിയമലംഘനം ചൂണ്ടിക്കാട്ടി ഇട്ടിരിക്കുന്ന പിഴ മൂന്ന് ലക്ഷത്തോളം വരും. കുന്ദ്ര അറസ്റ്റിലായ കേസില് ശില്പ്പയേയും പോലീസ് ചോദ്യം ചെയ്തിരുന്നെങ്കിലും കുന്ദ്രയുടെ നീലച്ചിത്ര ആപ്പ് ഹോട്ട ഷോട്ടില് എന്താണ് നടന്നിരുന്നത് എന്ന് തനിക്കറിയില്ലായിരുന്നെന്നാണ് ശില്പ്പാഷെട്ടി പോലീസിന് നല്കിയിരിക്കുന്ന മൊഴി. അതിനിടയിലാണ് രാജ്കുന്ദ്രയ്ക്ക് എതിരേ ഷെര്ലിന് ചോപ്ര എന്ന ബോളിവുഡ് താരം പീഡനപരാതിയും നല്കിയിരിക്കുന്നത്.
