ന്യൂഡല്ഹി: ഇന്ത്യ ഒരിക്കലും ആണവായുധം ഉപയോഗിക്കില്ലെന്ന പ്രതിരോധ മന്ത്രി മനോഹര് പരീക്കറുടെ പ്രസ്താവന തള്ളി പ്രതിരോധ മന്ത്രാലയം. പരീക്കര് പറഞ്ഞത് രാജ്യത്തിന്റെ ഔദ്യോഗിക നിലപാടല്ല. അദ്ദേഹത്തിന്റെ വ്യക്തിപരമായ നിലപാട് മാത്രമാണ്. ഉത്തരവാദിത്വമുള്ള ആണവ ശക്തിയെന്ന നിലയില് ആദ്യം ആണവായുധം ഉപയോഗിക്കുന്നതുമായി ബന്ധപ്പെട്ട ചര്ച്ചയ്്ക്കില്ലെന്നാണ് പരീക്കര് ഉദ്ധേശിച്ചതെന്നും മന്ത്രാലയം തിരുത്തി.
ഡല്ഹിയില് നടന്ന ഒരു പുസ്തക പ്രകാശന ചടങ്ങിനിടെയായിരുന്നു പരീക്കറുടെ പ്രസ്താവന. എന്നാല് മന്ത്രാലയത്തിന്റെ പ്രസ്താവന വന്നതോടെ തന്റെ നിലപാടും പരീക്കര് തിരുത്തി. ആണവായുധ ഉപയോഗത്തെക്കുറിച്ച് പറഞ്ഞ വാക്കുകള് വ്യക്തിപരമാണെന്നും കേന്ദ്ര സര്ക്കാരിന്റെ ആണവനയമല്ലെന്നും അദ്ദേഹം വിശദീകരച്ചു.
