തിരുവനന്തപുരം : അഫ്ഗാനില് തടവിലായിരുന്ന നിമിഷയടക്കമുള്ള എട്ട് മലയാളികളെ താലിബാന് മോചിപ്പിച്ചതായ വാർത്ത പുറത്തുവന്നതിനു പിന്നാലെ നിമിഷ ഫാത്തിമയുടെ മോചനത്തില് സന്തോഷമുണ്ടെന്ന് പ്രതികരിച്ച്അ മ്മ ബിന്ദു.
"അഫ്ഗാനിസ്താനില് നിന്നുള്ള ഇന്റലിജന്സ് റിപ്പോര്ട്ടെന്നാണ് അറിഞ്ഞത്. സത്യാവസ്ഥ എനിക്കറിയില്ല. ദൈവത്തിന് നന്ദി", ബിന്ദു പ്രതികരിച്ചു.
അധികാരം പിടിച്ചതിന് പിന്നാലെ അഫ്ഗാനില് വിവിധ ജയിലുകളില് തടവിലായിരുന്ന 5000 ത്തോളം പേരെ താലിബാന് മോചിപ്പിച്ചതായി റിപ്പോര്ട്ടുകളുണ്ടായിരുന്നു.
മോചിതരായ ആയിരക്കണക്കിന് തടവുകാരില് ഐഎസ്സില് ചേരാനായി ഇന്ത്യ വിട്ട എട്ട് മലയാളികളും ഉണ്ടെന്ന് ഇന്റലിജന്സിന് വിവരം ലഭിച്ചിരുന്നു. കേരളത്തില് നിന്ന് ഐഎസില് ചേരാന് പോയി അവിടെ സൈന്യത്തിന്റെ പിടിയിലാകുകയും ജയിലിലടക്കുകയും ചെയ്ത നിമിഷ ഫാത്തിമ അടക്കമുള്ള മലയാളികളും മോചിതരായവരില് ഉണ്ടെന്നാണ് വിവരം.
ഭീകരസംഘടനയായ ഐ.എസില് ചേരാന് 2016-ലാണ് ഭര്ത്താവ് പാലക്കാട് സ്വദേശി ബെക്സനോടൊപ്പം നിമിഷ നാടുവിട്ടത്.നിമിഷ അടക്കമുള്ള ഇന്ത്യക്കാരെ തിരിച്ചയക്കാന് ഗനി ഭരണത്തിലുണ്ടായിരുന്ന കാലത്ത് അഫ്ഗാനിസ്താന് തയ്യാറായിരുന്നു.
എന്നാല്, രാജ്യസുരക്ഷ കണക്കിലെടുത്ത് ഇവരെ തിരികെ കൊണ്ടുവരേണ്ടെന്ന നിലപാടാണ് ഇന്ത്യ സ്വീകരിച്ചത്. ഇതു ചോദ്യംചെയ്ത് നിമിഷയുടെ അമ്മ ബിന്ദു ഹര്ജി നല്കിയിരുന്നു.
