മുംബൈ: കള്ളപ്പണം തടയുന്നതിനായി 1000, 500 രൂപ നോട്ടുകള് അസാധുവാക്കിയ നടപടിയെ ചോദ്യം ചെയ്ത് ശിവസേന. സ്വിസ് ബാങ്കുകളില് മിന്നലാക്രമണം നടത്താന് മോദിക്ക് ധൈര്യമുണ്ടോ എന്നാണ് ശിവസേന തലവന് ഉദ്ധവ് താക്കറെ ചോദിച്ചു. കള്ളപ്പണം സൂക്ഷിച്ചിരിക്കുന്നത് അവിടെയാണ്. പ്രചരണ സമയത്ത് പറഞ്ഞപോലെ പുറത്തുനിന്നും കള്ളപ്പണം കൊണ്ടുവരികയാണ് വേണ്ടതെന്നും ഉദ്ധവ് പറഞ്ഞു.
ജനങ്ങള് മോഡിയെ അന്ധമായി വിശ്വസിക്കുന്നു. അത് തകര്ക്കരുതെന്നും ശിവസേന തലവന് പറഞ്ഞു. സാധാരണക്കാര് എടിഎമ്മിന്റെയും ബാങ്കുകളുടേയും മുന്നില് കഷ്ടപ്പെടുന്നെ ചൂണ്ടിക്കാണിച്ചുകൊണ്ടാണ് ഉദ്ധവ് പ്രസ്തവന പുറത്തിറക്കിയത്.
അഴിമതിക്കെതിരെയുള്ള പോരാട്ടത്തിന് തങ്ങള് അങ്ങയുടെ ഒപ്പമുണ്ട്. അതിനായി സാധാരണക്കാരെ ബുദ്ധിമുട്ടിക്കരുത്. ആയിരത്തിന്റെയും അഞ്ഞുറിന്റെയും നോട്ടുകള് മാറ്റി നല്കുന്നതിനുള്ള സമയം കൂട്ടി നല്കണമെന്നും അദ്ദേഹം ആവശ്യപ്പെട്ടു.
ജനങ്ങളുടെ ദുരവസ്ഥയെക്കുറിച്ച് സര്ക്കാര് മനസിലാക്കണം. പഴയ നോട്ടുകള് മാറിയെടുക്കാന് കൂടുതല് സൗകര്യങ്ങള് ഒരുക്കണമെന്നും താക്കറെ അഭിപ്രായപ്പെട്ടു.
