കൊച്ചി: ഓണ്ലൈന് പഠനത്തിന് സൗകര്യമില്ലാത്ത കുട്ടികള്ക്ക് വേണ്ടി സര്ക്കാര് ഇടപെടണമെന്ന് ഹൈക്കോടതി. സമാര്ട്ട്ഫോണും, കമ്പ്യൂട്ടറും ഇല്ലാത്തതിന്റെ പേരില് ഒരു കുട്ടിക്കും ക്ലാസുകള് നഷ്ടമാകരുത്. അത്തരത്തിലുള്ളവര്ക്കായി വെബ്സൈറ്റ് നിര്മ്മിക്കണമെന്ന് ഹൈക്കോടതി പറഞ്ഞു.
വിവിധ ജില്ലകളില് നിന്നും ഇതേ ആവശ്യവുമായി നിരവധി മാതാപിതാക്കളാണ് കോടതിയെ സമീപിച്ചത്.സമാര്ട്ട്ഫോണും കമ്പ്യൂട്ടറും ഇല്ലാത്തതിന്റെ പേരില് ഓണ്ലൈന് ക്ളാസുകള് നഷ്ടപ്പെടുന്നുവെന്ന് ഹര്ജിയില് പറയുന്നു. സൗകര്യങ്ങള് ഇല്ലാത്ത കുട്ടികള്ക്ക് വിവരങ്ങള് ധരിപ്പിക്കാന് കഴിയും വിധം വെബ്സൈറ്റിന് രൂപം നല്കണമെന്ന് ഹൈക്കോടതി സര്ക്കാരിന് നിര്ദ്ദേശം നല്കി.
വെബ്സൈറ്റില് കുട്ടികള്ക്കും, സ്കൂളുകള്ക്കും വിശദാംശങ്ങള് കൈമാറാന് സാധിക്കണം ഇതുവഴി കുട്ടികളുടെ പഠനം ഉറപ്പാക്കാന് വ്യക്തികള്, സ്ഥാപനങ്ങള്, വിദേശ മലയാളികള് എന്നിവയ്ക്ക് സഹായിക്കാന് കഴിയും. ഇതിനുള്ള സാഹചര്യം ഒരുക്കാന് സര്ക്കാര് ഇടപെടണം. സംസ്ഥാന ഐ ടി മിഷനുമായി ആലോചിച്ച് നടപടി സ്വീകരിക്കാന് സര്ക്കാരിനോട് കോടതി നിര്ദ്ദേശിച്ചു.
