ന്യൂഡല്ഹി: ടോക്കിയോ ഒളിംപിക്സില് ജാവലിന് ത്രോയില് ചരിത്ര സ്വര്ണം നേടിയാണ് നീരജ് ചോപ്ര എന്ന 23 കാരന് ഇന്ത്യന് അഭിമാനമായത്. സുവര്ണ നേട്ടത്തിന് ശേഷം പല അഭിമുഖങ്ങളിലായി നീരജ് ചോപ്ര നേരിട്ടത് പല തരത്തിലുള്ള ചോദ്യങ്ങളായിരുന്നു. ഇതില് ഏറ്റവും ഒടുവില് താരം നേരിട്ട ഒരു ചോദ്യമാണ് സോഷ്യല് മീഡിയയില് വൈറലായത്.
പ്രമുഖ ഇന്ത്യന് ഡിസൈനറും ആര്ട്ട് ക്യുറേറ്ററുമായ രാജീവ് സേതി നീരജ് ചോപ്രയോട് ചോദിച്ച ചോദ്യത്തിനെതിരെ വന് വിമര്ശനമാണ് ഉയരുന്നത്. ഒളിംപിക് സ്വര്ണ ജോതാവിന്റെ ലൈംഗീക ജീവിതം തിരക്കിയതാണ് രാജീവ് സേതിക്ക് തിരിച്ചടിയായത്.
നീരജ് ചോപ്രയും രാജീവ് സേതിയും തമ്മിലുള്ള അഭിമുഖത്തിന്റെ ഭാഗം ട്വിറ്ററില് വൈറലാകുകയാണ്. ഹിന്ദിയില് നടത്തിയ അഭിമുഖത്തിനിടെയാണ് രാജീവ് സേതിയുടെ ചോദ്യമുയര്ന്നത്. അത്ലറ്റിക് പരിശീലനവും ലൈംഗീക ജീവിതവും എങ്ങനെ ബാലന്സ് ചെയ്തുകൊണ്ട് പോകുന്നു, എന്നായിരുന്നു ചോപ്ര നേരിട്ട ചോദ്യം. നിങ്ങള് സുന്ദരനായ ചെറുപ്പക്കാരനാണ് എന്ന അഭിസംബോധനയോടെയാണ് രാജീവ സേതി ചോദ്യമുയര്ത്തിയത്.
ചോദ്യം കേട്ടതോടെ അസ്വസ്ഥനായി കാണപ്പെട്ട നീരജ് ചോപ്ര ചോദ്യത്തിന് ഉത്തരം നല്കാന് വിസമ്മതിക്കുകയും ചെയ്തു. തുടര്ന്ന് സോറി സര്, ഞാന് സോറി പറഞ്ഞു.. എന്നായിരുന്നു നീരജിന്റെ പ്രതികരണം.
If you thought Malishka was Cringe WATCH Rajeev Sethi go a STEP FURTHER 😡 He asked Neeraj Chopra : "How Do you Balance your Sеx Life with your training??" Disgusted Neeraj replied "Aapke question se mera mann bhar gaya" #NeerajChopra #RajeevSethi pic.twitter.com/qwVd7hAot4
— Rosy (@rose_k01) September 3, 2021
വീണ്ടും ഉത്തരം നല്കാന് രാജീവ് സേതി നിര്ബന്ധിച്ചതോടെ വീണ്ടും താരം വിസമ്മതിക്കുകയായിരുന്നു. തുടര്ന്ന് ആ ചോദ്യത്തിന് രാജീവ് ക്ഷമാപണം നടത്തുകയും ചെയ്തു. വെള്ളിയാഴ്ചയാണ് ഈ വീഡിയോ ട്വിറ്ററില് പ്രത്യക്ഷപ്പെട്ടത്. എല്ലാ ചോദ്യങ്ങളും മനോഹരമായി കൈകാര്യം ചെയ്തിന് താരത്തെ പാര്ലമെന്േ്ററിയന് പ്രിയങ്ക ചതുര്വേദി ട്വീറ്റില് പ്രശംസിച്ചു.
