തിരുവനന്തപുരം: ബംഗാള് ഉള്കടലില് ന്യുനമര്ദ്ദം രൂപപ്പെട്ടതായി കാലാവസ്ഥ വകുപ്പ്. വടക്ക് കിഴക്കന് ബംഗാള് ഉള്കടലില് രൂപപ്പെട്ട ന്യുനമര്ദ്ദം അടുത്ത 48 മണിക്കൂറില് ശക്തി പ്രാപിച്ചു സീസണിലെ ആദ്യ തീവ്ര ന്യുന മര്ദ്ദമാകാന് സാധ്യതയുണ്ട്. കേരളത്തില് 15 വരെ മഴയ്ക്ക് സാധ്യതയുണ്ടെന്നും മുന്നറിയിപ്പില് പറയുന്നു.
വടക്കന് കേരളത്തില് ഇന്ന് മുതല് കൂടുതല് സാധ്യത. സെപ്റ്റംബര് 14,15 തീയതികളില് കേരളത്തില് വ്യാപകമായ മഴ സാധ്യതയുണ്ടെന്നും റിപ്പോര്ട്ടില് പറയുന്നു.
ഇന്ന് പത്തനംതിട്ട, ഇടുക്കി, എറണാകുളം, തൃശ്ശൂര്, മലപ്പുറം, കോഴിക്കോട്, കണ്ണൂര് എന്നീ ജില്ലകളിലെ ഒറ്റപ്പെട്ടയിടങ്ങളില് മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
