പശ്ചിമ ബംഗാള്:ദുര്ഗാ പൂജ ആഘോഷങ്ങള്ക്ക് പിന്നാലെ പശ്ചിമ ബംഗാളില് കോവിഡ് കേസുകളില് വന് വര്ധന. ബംഗാള് ആരോഗ്യവകുപ്പ് പുറത്തുവിട്ട റിപ്പോര്ട്ട് പ്രകാരം 867 പേര്ക്കാണ് കഴിഞ്ഞ 24 മണിക്കൂറിനുള്ളില് രോഗം സ്ഥിരീകരിച്ചത്. ദിനം പ്രതി ഈ കണക്ക് കൂടി വരികയാണ്. ഒക്ടോബര് 19 ന് മാത്രം ബംഗാളില് റിപ്പോര്ട്ട് ചെയ്തത് 726 പുതിയ കേസുകളാണ്. സംസ്ഥാനത്തെ ടെസ്റ്റ് പോസിറ്റിവിറ്റി നിരക്ക് 9 ശതമാനമാണിപ്പോള്
അടുത്തിടെ സമാപിച്ച ഭബാനിപൂര് ഉപതിരഞ്ഞെടുപ്പിനും ദുര്ഗാപൂജ ആഘോഷങ്ങള്ക്കും പിന്നാലെയാണ് സംസ്ഥാനത്ത് കോവിഡ് -19 കേസുകളുടെ എണ്ണം കുത്തനെ വര്ധിക്കുന്നത്. ബംഗാള് സര്ക്കാര് ആഘോഷങ്ങള്ക്ക് തുടക്കം കുറിച്ചത് കോവിഡ് മാനദണ്ഡങ്ങള് പൂര്ണമായും പാലിച്ചുകൊണ്ടായിരുന്നു. എന്നാല് കൊല്ക്കത്ത ഉള്പ്പടെയുള്ള ബംഗാളിലെ പ്രദേശങ്ങളില് പ്രതീക്ഷിച്ചതിലും അതികം ജനം എത്തിയതോടെ കോവിഡ് മാനദണ്ഡങ്ങള് കാറ്റില് പറത്തുന്ന അവസ്ഥയായി.
ബംഗാളില് കൊല്ക്കത്തയിലാണ് ഇപ്പോള് ഏറ്റവും മോശം അവസ്ഥ. 'ഈ സാഹചര്യം സര്ക്കാര് വിളിച്ചു വരുത്തിയതാണ്. അനന്തരഫലങ്ങളെക്കുറിച്ച് അറിഞ്ഞുകൊണ്ട് തന്നെ പശ്ചിമബംഗാള് സര്ക്കാര് എങ്ങനെയാണ് ഇത്ര വലിയ ഒത്തുചേരലിന് അനുവാദം നല്കിയത്
