സംഗീത ആല്ബങ്ങളില് അഭിനയിച്ച് മലയാള സിനിമയിലേക്ക് കടന്നു വന്ന നടിയാണ് രാധിക. അനേകം സിനിമകളില് ഒന്നും അഭിനയിച്ചിട്ടില്ലെങ്കിലും 'ക്ലാസ്മേറ്റ്സ്' എന്ന സിനിമയിലെ 'റസിയ' എന്ന കഥാപാത്രത്തെ പ്രേക്ഷക മനസ്സ് ഓര്ക്കലും മറക്കില്ല. ഈ ഒറ്റ സിനിമയിലൂടെ കാണികളുടെ മനസ്സില് ഇടം പിടിച്ച നടിയാണ് രാധിക.
ലാല് ജോസിന്റെ സംവിധാനത്തില് 2006 ല് പുറത്തിറങ്ങിയ സൂപ്പര് ഹിറ്റ് ക്യാമ്പസ് ചലചിത്രമാണ് 'ക്ലാസ്മേറ്റ്സ്'. എന്നാല് പോലും പതിനാല് വര്ഷം കഴിഞ്ഞിട്ടും ആ കഥാപാത്രം തനിക്ക് നേടിതന്ന പേര് ഒരിക്കലും മാറില്ല എന്നും രാധിക എന്ന പേരിനേക്കാളും ആളുകള് വിളിക്കുന്നത് 'റസിയ' എന്നാണെന്നുമാണ് രാധിക പറയുന്നത്. കാരണം അത്രമേല് ആരാധകര് 'റസിയ' യെ ഏറ്റെടുത്തു കഴിഞ്ഞു. പിന്നീട് അധികം ചിത്രങ്ങളില് ഒന്നും അഭിനയിച്ചിട്ടില്ലെങ്കിലും 'റസിയ' എന്ന കഥാപാത്രം തന്നെ ധാരാളമാണ് രാധികയെ മലയാളി മനസ്സ് ഓര്ക്കാന്.
വിവാഹശേഷം ഭര്ത്താവിനൊപ്പം ദുബായിലേക്ക് താരം പോയി. പിന്നീട് കുറേക്കാലം താരം സിനിമയില് നിന്നും മാറി നില്ക്കുകയായിരുന്നു. 'റസിയ' യെ കുറിച്ചും അഭിനയത്തെ കുറിച്ചും താരം പറഞ്ഞ വാക്കുകള് ആണ് ഇപ്പോള് വൈറല് ആകുന്നത്. ''ലോംഗ് ഗ്യാപ്പുകളാണ് എന്റെ കരിയറില് ഉണ്ടായിട്ടുളളത്. ക്ലാസ്മേറ്റ്സ് കഴിഞ്ഞ് ഒരു വര്ഷത്തിന് ശേഷമാണ് ഞാന് അടുത്ത പടം ചെയ്യുന്നത്. ഞാനത് മനപൂര്വ്വം ഉണ്ടാക്കിയതല്ല. ഈ പറയുന്ന ഒരു വര്ഷത്തില് ഒരുപാട് സിമിലാരിറ്റിയുളള റോള്സിന് വേണ്ടി എന്നെ വിളിച്ചിട്ടുണ്ട്. അതൊക്കെ ഞാന് ഒഴിവാക്കിയതാണെന്ന് പറയാം. പക്ഷെ എന്റെ കരിയറില് ഉണ്ടായിട്ടുളള ഗ്യാപ്പുകള് ഞാന് ഒരിക്കലും മനപൂര്വ്വം ഉണ്ടാക്കിയിട്ടുളളതല്ല. സംഭവിച്ച് പോയതാണ്. അത് എന്ത് കൊണ്ടാണെന്ന് എന്നിക്ക് അറിയില്ല. കല്യാണം കഴിഞ്ഞ് ഞാന് ദുബായിലാണുളളത്. ഈ പറയുന്ന ന്യൂജനറേഷന് കാലഘട്ടത്തില് എന്നെ അധികം ആള്ക്കാര് ഓര്ക്കാന് ചാന്സില്ല. ഓര്ത്താല് തന്നെ ദുബായില് നിന്ന് നാട്ടില് വരാനുളള ബുദ്ധിമുട്ടുകള് എല്ലാവരും ചിന്തിക്കുന്നുണ്ടാവും. അങ്ങനത്തെ ഒരുപാട് കാര്യങ്ങള് ഉളളതു കൊണ്ടാവും അത്തരം ഗ്യാപ്പ് വരുന്നത്. പിന്നെ എല്ലാവരോടും പോയി ചാന്സ് ചോദിക്കുന്ന ടൈപ്പ് ആളല്ല താന്. അപ്പോള് പിന്നെ ഉറപ്പായിട്ടും ആളുകള് എന്നെ മറന്ന് പോയേക്കും. ഇപ്പോള് ഞാന് സിനിമ വേണ്ട, അല്ലെങ്കില് സിനിമ ചെയ്യില്ല എന്നൊന്നും ആരോടും പറഞ്ഞിട്ടില്ല. ഇപ്പോഴും നല്ല ക്യാരക്ടേഴ്സ് വരികയാണെങ്കില് ചെയ്യാന് പറ്റുന്നതാണെങ്കില് ഞാന് ഉറപ്പായും അത് കമ്മിറ്റ് ചെയ്യും അതിലൊരു സംശയവുമില്ല. എന്റെ പേര് രാധിക എന്നാണ്.
പക്ഷേ ഇപ്പോഴും ആളുകള് എന്നെ 'റസിയ' എന്ന് തന്നെയാണ് വിളിക്കുന്നത്. എവിടെ പോയാലും മലയാളികള് തിരിച്ചറിയുകയാമെങ്കില് റസിയ അല്ലേ എന്നാണ് ചോദിക്കുന്നത്. റസിയ എന്ന പേര് എനിക്ക് ഇഷ്ടമാണ്. പക്ഷേ റസിയ ആയി ജീവിക്കാന് തീരെ താല്പര്യമില്ല'' എന്ന് താരം വ്യക്തമാക്കുന്നു. രാധികയെ റസിയ ആക്കി മാറ്റിയ 'ക്ലാസ്മേറ്റ്സ്' സിനിമയിലെ മറക്കാനാകാത്ത അനുഭവങ്ങളെ കുറിച്ചും രാധിക പറഞ്ഞു.
