ലോക്ഡൗൺ ക്ഷീണം മാറുന്നതിനു മുൻപേ ഇന്ധന, പാചകവാതക വിലയും ഇപ്പോൾ കൈ പൊള്ളിക്കുകയാണ്.
ഇതിനിടെ വ്യത്യസ്തമായ രണ്ട് ഓഫറുകളുമായി തമിഴ്നാട്ടിലെ ഒരു ബിരിയാണിക്കട ശ്രദ്ധേയമാകുകയാണ്.
ഒരു കിലോഗ്രാം ബിരിയാണി മേടിക്കുമ്പോൾ അരക്കിലോഗ്രാം തക്കാളി സൗജന്യമായി നൽകുന്നു!. തീർന്നില്ല,ഒരു കിലോ തക്കാളിയുമായി എത്തുന്നവര്ക്ക് ഈ ഹോട്ടലില് ചിക്കന് ബിരിയാണിയും സൗജന്യം.
തമിഴ്നാട്ടിലെ കാഞ്ചീപുരം സേതുപക്കത്തിലെ ഒരു ചെറിയ ബിരിയാണിക്കടയാണ് ആമ്പുർ. ഇവിടെയാണ് ഈ ഓഫർ.
രാവിലെ മുതല് തന്നെ കടയ്ക്കു മുന്പില് ആളുകളുടെ നീണ്ടനിരയായിരുന്നു.
ഇവിടെ അരക്കിലോ ബിരിയാണിക്ക് 80 രൂപയാണ്, ഒരു കിലോ തക്കാളിക്ക് ചെന്നൈയിൽ 140 രൂപവരെ കൊടുക്കണം. എന്തായാലും തക്കാളിയുമായി വന്നു ബിരിയാണി മേടിച്ചത് മൂന്ന് പേർ മാത്രമായിരുന്നു.
