ന്യുഡല്ഹി: അഞ്ച് സംസ്ഥാനങ്ങളിലെ നിയമസഭാ തിരഞ്ഞെടുപ്പ് വിജ്ഞാപനമായി. ഉത്തര്പ്രദേശ്, ഉത്തരാഖണ്ഡ്, പഞ്ചാബ്, മണിപ്പൂര്, ഗോവ എന്നിവിടങ്ങളിലാണ് വോട്ടെടുപ്പ്. ഏഴ് ഘട്ടമായി നടക്കുന്ന തിരഞ്ഞെടുപ്പില് ഫെബ്രുവരി 10ന് വോട്ടെടുപ്പ് ആരംഭിക്കും. മാര്ച്ച് 10നായിരിക്കും ഫല പ്രഖ്യാപനം. കോവിഡ് സാഹചര്യത്തില് സുരക്ഷയ്ക്ക് മുന്ഗണന നല്കിയാണ് തിരഞ്ഞെടുപ്പ് നടത്തുന്നതെന്ന് മുഖ്യ തിരഞ്ഞെടുപ്പ് കമ്മീഷന് സുശീല് ചന്ദ്ര അറിയിച്ചു.
ഉത്തര്പ്രദേശിലാണ് ആദ്യം വോട്ടെുപ്പ്. ഫെബ്രുവരി 10 മുതല് മാര്ച്ച് 7 വരെ ഏഴ് ഘട്ടമായി നടക്കും. ഉത്തരാഖണ്ഡ്, ഗോവ, പഞ്ചാബ് എന്നിവിടങ്ങളില് ഫെബ്രുവരി 14ന് വോട്ടെടുപ്പ് ആരംഭിക്കും. മണിപ്പൂരില് ഫെബ്രുവരി 27നും മാര്ച്ച് മൂന്നിനുമായിരിക്കും പോളിംഗ്. പോളിംഗ് സമയം ഒരു മണിക്കൂര് വര്ധിപ്പിക്കും.
നിയമസഭകളുടെ നിലവിലെ കാലാവധി മാര്ച്ച് 23 ഓടെ അവസാനിക്കും. അഞ്ച് സംസ്ഥാനങ്ങളില് 690 സീറ്റുകളിലേക്ക് തിരഞ്ഞെടുപ്പാണ് നടക്കുന്നതെന്ന് തിരഞ്ഞെടുപ്പ് കമ്മീഷന് തുടക്കത്തിലെ വ്യക്തമാക്കി. ആരോഗ്യ സുരക്ഷയ്ക്കാണ് മുന്ഗണന. പുതിയ മാനദണ്ഡങ്ങള് പാലിച്ചായിരിക്കും തിരഞ്ഞെടുപ്പ്. കോവിഡ് കാലത്ത് തിരഞ്ഞെടുപ്പ് നടത്തുന്നവത് വലിയ വെല്ലുവിളിയാണ്.
ഡിസംബര് പകുതിയോടെ രാഷ്ട്രീയ പാര്ട്ടികളുടെ പ്രതിനിധികളുമായി ഡിജിപിമാര്, ചീഫ് സെക്രട്ടറിമാര് എന്നിവരുമായി കൂടിയാലോചന നടത്തിയിരുന്നുവെന്നും കമ്മീഷന് വ്യക്തമാക്കി.
അഞ്ച് സംസ്ഥാനങ്ങളിലായില 18.34 കോടി വോട്ടര്മാരുണ്ട്.. അതില് 8.55 കോടി വനിതകള്. 24.9 ലക്ഷം കന്നി വോട്ടര്മാര്. അതില് 11.4 ലക്ഷം സ്ത്രീകള്.
എല്ലാ പോളിംഗ് സ്റ്റേഷനികളിലും കുടിവെള്ളം, വെയ്റ്റിംഗ് ഏരിയ, ശുചിമുറി തുടങ്ങിയ അടിസ്ഥാന സൗകര്യങ്ങളൊരുക്കണം. മാസ്ക്, ഗ്ലൗസ് എന്നിവയും കരുതണം.
2,15,368 പോളിംഗ് സ്റ്റേഷനുകള് (16% വര്ധനവ് ), 30,330 അധികം പോളിംഗ് ബൂത്തുകള്. ഒരു സറ്റേഷനില് 1250 വോട്ടര്മാര് മാത്രം. 1620 പോളിംഗ് സ്റ്റേഷനുകളില് വനിതാ ഓഫീസര്മാര് മാത്രം. 590% പോളിംഗ് സ്റ്റേഷനുകളില് വെബ്കാസ്റ്റിംഗ് സൗകര്യം.
കോവിഡ് ബാധിതര്, 80 കഴിഞ്ഞവര്, നിശ്ചിതപരിമധിക്കു് മുകളില് അംഗപരിമിതി ഉള്ളവര് എന്നിവര്ക്ക് വീട്ടിലിരുന്ന് പോസ്റ്റല് വോട്ട് ചെയ്യാന് സൗകര്യമുണ്ടായിരിക്കും.
ക്രിമിനല് പശ്ചാത്തലമുള്ള സഥാനാര്ത്ഥികള് അക്കാര്യം സുവിധ വെബ്സൈറ്റിലുടെ പ്രസിദ്ധീകരിക്കണം. എന്തുകൊണ്ട് ആ സ്ഥാനാര്ത്ഥിയെ തിരഞ്ഞെടുത്തുവെന്ന കാര്യം പാര്ട്ടി വിശദീകരിക്കണം. സ്ഥാനാര്ത്ഥികള്ക്ക് ഓണ്ൈലനായി പത്രിക സമര്പ്പിക്കാം.
തിരഞ്ഞെടുപ്പ് ചെലവ് പഞ്ചാബ്, യു.പി, ഉത്തരാഖണ്ഡ് എന്നിവിടങ്ങളില് 40 ലക്ഷം, ഗോവ , മണിപ്പൂര് എന്നിവിടങ്ങളില് 28 ലക്ഷം എന്നിങ്ങനെയാണ്.
എല്ലാ തിരഞ്ഞെടുപ്പ് ഉദ്യോഗസ്ഥരും രണ്ട് ഡോസ് കോവിഡ് വാക്സിന് സ്വീകരിച്ചിരിക്കണം. ഉദ്യോഗസ്ഥര്ക്ക് സുരക്ഷ മുന്നിര്ത്തി ബൂസ്റ്റര് ഡോസ് നല്കും. അവരെ കോവിഡ് മുന്നണി പോരാളികളായി പരിഗണിക്കും. വോട്ടര്മാര് രണ്ട് ഡോസ് വാക്സിനും സ്വീകരിക്കാന് ചീഫ് സെ്രകട്ടറിമാര് മുന്കൈയെടുക്കണം. പോളിംഗ് സ്റ്റേഷനുകള് സാനിറ്റൈസ് ചെയ്തിരിക്കണം. പോളിംഗ് സമയം ഒരു മണിക്കൂര് വര്ധിപ്പിക്കും.
റോഡ് ഷോ, പദയാത്ര, സൈക്കിള് -ബൈക്ക് റാലികള് എന്നിവ ജനുവരി 15 വരെ അനുവദിക്കില്ല. ഒരു രാഷ്ട്രീയ പാര്ട്ടികളും അതുവരെ വോട്ടര്മാരെ നേരില് കാണാല് പാടില്ല. കോവിഡ് അവലോകന ത്തിനു ശേഷം പുനഃപരിശോധിക്കും. പ്രചാരണം പരമാവധി ഡിജിറ്റലായിരിക്കണം. വിജയാഘോഷ പ്രകടനങ്ങള് പാടില്ല. രാത്രി 8 മുതല് രാവിലെ 8 വരെ തിരഞ്ഞെടുപ്പ് പ്രചാരണം പാടില്ല. കോവിഡ് മാര്ഗരേഖ എല്ലാവരും കര്ക്കശമായി പാലിച്ചിരിക്കണം.
യു.പിയില് ഏഴ് ഘട്ടമായി ആയിരിക്കും വോട്ടെടുപ്പ്. മണിപ്പൂരില് രണ്ട് ഘട്ടവും മറ്റ് സംസ്ഥാനങ്ങളില് ഒരു ഘട്ടവുമായി വോട്ടെടുപ്പ് നടക്കും.
ഒന്നാംഘട്ടം ഫെബ്രുവരി 10- ഉത്തര്പ്രദേശ്
രണ്ടാംഘട്ടം െഫബ്രുവരി 14- ഉത്തരാഖണ്ഡ്, പഞ്ചാബ്, ഗോവ, ഉത്തര്പ്രദേശ്
മൂന്നാംഘട്ടം ഫെബ്രുവരി 20- ഉത്തര്പ്രദേശ്
നാലാംഘട്ടം ഫെബ്രുവരി 23- ഉത്തര്പ്രദേശ്
അഞ്ചാംഘട്ടം ഫെബ്രുവരി 27 മണിപ്പൂര്, ഉത്തര്പ്രദേശ്
ആറാം ഘട്ടം മാര്ച്ച് 3- ഉത്തര്പ്രദേശ്, മണിപ്പൂര്
ഏഴാം ഘട്ടം മാര്ച്ച് 7- ഉത്തര്പ്രദേശ്
തിരഞ്ഞെടുപ്പ് സുരക്ഷയ്ക്ക് സി.ആര്.പി.എഫിനെ നിയോഗിക്കുമെന്നും മുഖ്യ തിരഞ്ഞെടുപ്പ് കമ്മീഷണര് അറിയിച്ചു.
