കോട്ടയം: ബിഷപ്പ് ഫ്രാങ്കോ മുളക്കലിനെ കുറ്റവിമുക്തനാക്കിയ 287 പേജുള്ള കോടതിവിധിയുടെ വിധിയുടെ പകര്പ്പ് പുറത്ത്. കന്യാസ്ത്രീയുടെ മൊഴി വിശ്വാസയോഗ്യമല്ലെന്നും പരാതിക്കാരിയായ കന്യാസ്ത്രീ സ്ഥാപിത താല്പര്യക്കാരുടെ കെണിയില്പ്പെട്ടുവെന്നും വിധിയില് പറയുന്നു. കന്യാസ്ത്രീക്കെതിരേ അതിനിശിതമായ വിമര്ശനങ്ങളാണ് കോടതി ഉന്നയിച്ചിരിക്കുന്നത്. അതിനു കാരണങ്ങളും വിധിയില് പറയുന്നുണ്ട്. വസ്തുതകള് മറച്ചു വയ്ക്കാന് ഇവര് ശ്രമിച്ചുവെന്നും ഉത്തരവില് പറയുന്നു.
അധികാരത്തിനുവേണ്ടി വ്യാജ ആരോപണവും ഉന്നയിച്ചവെന്നും ഇരയുടെ മൊഴികളില് അതിഭാവുകത്വം ഉണ്ടെന്നും വിധിയില് ഉണ്ട്. ഇതു കണക്കിലെടുത്ത് ശിക്ഷ വിധിക്കാനാവില്ല. ഫ്രാങ്കോ മുളയ്ക്കലിനെതിരായ ഉന്നയിച്ച ആരോപണങ്ങള് തെളിയിക്കാനായില്ലെന്നും പീഡനആരോപണം അധികാരത്തര്ക്കത്തിന്റെ ഭാഗമാണെന്നും കോടതി വിലയിരുത്തി. സത്യവും അസത്യവും തിരിച്ചറിയാന് കഴിയാത്ത സമയത്ത് തെളിവുകള് തള്ളിക്കളയേണ്ടിവരും.
ബീഹാര് കേന്ദ്രീകരിച്ച് ഒരു പുതിയ കോണ്ഗ്രിഗേഷന് സ്ഥാപിച്ചിരുന്നെങ്കില് ഒത്തുതീര്പ്പിന് അവര് തയാറായിരുന്നുവെന്നും ഇത് അവരുടെ അധികാരക്കൊതിക്ക് തെളിവാണെന്നും ഈ ഉത്തരവില് പറയുന്നു. ബിഷപ്പിനെതിരേയുള്ള ആരോപണം കന്യാസ്ത്രീയ്ക്കെതിരേ അച്ചടക്ക നടപടി ആരംഭിച്ചതിനു പിന്നാലെയാണെന്നും വിധയില് പറയുന്നുണ്ട്.
