തന്റെ മൂത്ത മകൻ അപ്പു എന്ന അമർനാഥിന് പിറന്നാൾ ആശംസകൾ നേർന്ന് നടി അമ്പിളി ദേവി. മനോഹരമായ ഒരു വീഡിയോ പങ്കുവെച്ചാണ് താരം മകന് പിറന്നാൾ ആശംസകൾ നേർന്നത്. ‘ജീവിതത്തിൽ ഏറ്റവും സന്തോഷിച്ച ദിവസമാണ് ജനുവരി 30. ഞാനൊരമ്മയായ ദിവസമാണ്. എന്റെ അപ്പുക്കുട്ടനെ കൈയ്യിൽ കിട്ടിയ ദിവസം. വർഷങ്ങളൊക്കെ എത്ര പെട്ടെന്നാണ് കടന്നുപോവുന്നത്...’.– അമ്പിളി പറയുന്നു.
അപ്പുവിന്റെ വിവിധ കാലങ്ങളിലെ വീഡിയോകൾ കോർത്തിണക്കിയാണ് ജൻമദിന വീഡിയോ ഒരുക്കിയിരിക്കുന്നത്. ആരാധകരും സഹപ്രവർത്തകരുമടക്കം നിരവധിയാളുകളാണ് അപ്പുവിന് ജൻമദിനാശംസകളുമായി എത്തുന്നത്.
