ന്യുഡല്ഹി: ഓപറേഷന് താമര ഡല്ഹിയിലുമെന്ന് സംശയം. ഭരണമുന്നണിയായ ആം ആദ്മി പാര്ട്ടിയിലെ ചില എം.എല്.എമാരെ ബി.ജെ.പി പണം നല്കിയ ഭരണം അട്ടിമറിക്കാന് ശ്രമിച്ചതായി പാര്ട്ടി നേതൃത്വം ആരോപിക്കുന്നു. നാല് എം.എല്.എമാര്ക്ക് ബി.ജെ.പി 20 കോടി വീതം വാഗ്ദാനം ചെയ്തുവെന്നും പല എംഎല്എമാരെയും വിളിച്ചിട്ട് കിട്ടുന്നില്ലെന്നുമാണ് ആരോപണം. ഏതൊക്കെ എംഎല്എമാര് സര്ക്കാരിനെ പിന്തുണയ്ക്കുന്നുണ്ടെന്ന് അറിയാന് മുഖ്യമന്ത്രി അരവിന്ദ് കെ്ജ്രിവാള് എംഎല്എമാരുടെ യോഗം വിളിച്ചു. രാവിലെ 11 മണിക്കാണ് യോഗം.
മദ്യനയവുമായി ബന്ധപ്പെട്ട് ഉപമുഖ്യമന്ത്രി മനീഷ് സിസോദിയയ്്ക്കെതിരെ സിബിഐയും ഇ.ഡിയും കേസെടുത്തതിനു പിന്നാലെയാണ് എഎപി എംഎല്എമാരെ ബി.ജെ.പി ചാക്കിലാക്കാന് ശ്രമിക്കുന്നതെന്ന് നേതൃത്വം ആരോപിക്കുന്നു. സിബിഐ, ഇ.ഡി നടപടികളും യോഗത്തില് ചര്ച്ച ചെയ്യുമെന്നാണ് സൂചന.
കൂടാതെ, നിയമസഭയുടെ പ്രത്യേക സമ്മേളനം വിളിക്കാനും കെജ്രിവാള് ആലോചിക്കുന്നുണ്ട്. നേരത്തെ രാഷ്ട്രീയകാര്യ സമിതി യോഗം കെജ്രിവാളിന്റെ വസതിയില് ചേര്ന്നിരുന്നു.
