നാഗോണ്: പാളം മുറിച്ചുകടക്കുന്നതിനിടയില് ട്രെയിനിടിച്ച് മൂന്ന് ആനകള് ചെരിഞ്ഞു. ആസാമിലെ ഹോജായ് ജില്ലയിലാണ് സംഭവം. കന്യാകുമാരി-ദിബ്രുഗഡ് വിവേക് എക്സ്പ്രസാണ് ആനകളെ ഇടിച്ചുവീഴ്ത്തിയത്. ചെരിഞ്ഞ ആനകളില് ഒന്ന് ഗര്ഭിണിയായിരുന്നു. കനത്ത മൂടല് മഞ്ഞിനെതുടര്ന്ന് പാളത്തിലുണ്ടായിരുന്ന ആനകളെ കാണാന് ലോക്കോപൈലറ്റിന് സാധിക്കാതിരുന്നതാണ് അപകടകാരണമെന്നു സംശയിക്കുന്നു.
ചെരിഞ്ഞ ആനകളെ പോസ്റ്റ്മോര്ട്ടത്തിന് ശേഷം മറവുചെയ്തു. യാത്രക്കാര്ക്ക് അപായം സംഭവിച്ചിട്ടില്ല.
