തിരുവനന്തപുരം: ലോകായുക്തയെ പരിഹസിച്ച് കെ.ജി ജലീല് എംഎല്എ. ഏകപക്ഷീയമായി വിധി പറയാന് മാത്രമല്ല പ്രാഥമികാന്വേഷണം നടത്താനും നോട്ടീസ് അയക്കാമൊക്കെ ലോകായുക്തയ്ക്ക് അറിയാമെന്ന് മാലോകരെ അറിയിച്ചതിന് നന്ദി. ജലീലായാല് നിയവും വകുപ്പും നടപടിക്രമങ്ങളും ബാധകമല്ലല്ലോ എന്നും ജലീല് ഫെയ്സ്ബുക്ക് പോസ്റ്റില് പരിഹസിക്കുന്നു.
പിപിഇ കിറ്റ് ഇടപാടില് അഴിമതിയുണ്ടെന്ന പരാതിയില് പരാതിയില് കെ.കെ ശൈലജയ്ക്ക് ലോകായുക്ത നോട്ടീസ് അയച്ചതില് പ്രതികരിക്കുകയായിരുന്നു അദ്ദേഹം. കഴിഞ്ഞ സര്ക്കാരില് ഉന്നത വിദ്യാഭ്യാസമന്ത്രിയായിരുന്ന ജലീലിന് സര്ക്കാരിന്റെ അവസാന കാലത്ത് ലോകായുക്തയുടെ റിപ്പോര്ട്ടിനെ തുടര്ന്നാണ് മന്ത്രിസ്ഥാനം രാജിവയ്ക്കേണ്ടിവന്നത്.
[ING]
പോസ്റ്റിന്റെ പൂര്ണ്ണരൂപം:
പത്ത് ദിവസം കൊണ്ട് എല്ലാ നടപടിക്രമങ്ങളും തീര്ത്ത് കക്ഷിക്ക് നോട്ടിസയക്കുകയോ കേള്ക്കുകയോ ചെയ്യാതെ ഏകപക്ഷീയമായി വിധി പറയാന് മാത്രമല്ല പ്രാഥമികാന്വേഷണം നടത്താനും നോട്ടീസയക്കാനുമൊക്കെ ബഹുമാനപ്പെട്ട നമ്മുടെ ലോകായുക്തക്ക് അറിയാമെന്ന് മാലോകരെ അറിയിച്ചത് നന്നായി.
ജലീലായാല് നിയമവും വകുപ്പും നടപടിക്രമങ്ങളും ബാധകമല്ലല്ലോ അല്ലേ?
കോയാ നമുക്കിതൊക്കെ തിരിയും.
നടക്കട്ടെ നടക്കട്ടെ സംഭാവാമി യുഗേ യുഗേ
