ലക്നൗ: മതം മാറുന്നതിന് എതിര് നിന്നതിന് ഭര്ത്ത് ഉപദ്രവിക്കുകയും ശാരീരികമായി പീഡിപ്പിക്കുകയും ചെയ്തതായി ആരോപിച്ച് ഭര്ത്താവിനെതിരേ പരാതിയുമായി യുവതി. ലക്നൗവില് നടന്ന സംഭവത്തില് ഭര്ത്താവ് തന്നെ തുടര്ച്ചയായി മര്ദ്ദിച്ചെന്നും സിഗററ്റ് കൊണ്ടു പൊള്ളിച്ചതായും നിര്ബ്ബന്ധിച്ച് മാംസാഹാരം കഴിപ്പിച്ചെന്നും പരാതിയില് പറഞ്ഞിട്ടുണ്ട്.
ലക്നൗ കാരിയായ യുവതിയാണ് ഭര്ത്താവിനെതിരേ പരാതി നല്കിയിരിക്കുന്നത്. ഹിന്ദുവായി ചമഞ്ഞായിരുന്നു യുവാവ് യുവതിയെ പരിചയപ്പെട്ടത്. ചാന്ദ് മുഹമ്മദ് എന്നയാള് സാനി മൗര്യ എന്ന പേരില് തന്നെ വിവാഹം കഴിക്കുകയായിരുന്നു എന്നാണ് യുവതി പറഞ്ഞിരിക്കുന്നത്. വിവാഹം കഴിഞ്ഞ നഗരത്തിലെ ഒരു വാടകവീട്ടില് ഇരുവരും താമസവും ആരംഭിച്ചു. താന് ലൈംഗികമായി പീഡിപ്പിക്കപ്പെട്ടെന്നും യുവതിയുടെ പരാതിയിലുണ്ട്.
മതം മാറാന് കൂട്ടാക്കാതിരുന്നതിനെ തുടര്ന്ന് ഭര്ത്താവ് മര്ദ്ദിച്ചു, സിഗററ്റ് കത്തിച്ച് ദേഹത്ത് കുത്തിപൊള്ളിച്ചു, തിളച്ച എണ്ണ ദേഹത്തേക്ക് കോരിയൊഴിച്ചു തുടങ്ങിയ ആരോപണങ്ങളാണ് നടത്തിയിരിക്കുന്നത്. കൊല്ലുമെന്നും ബന്ധുക്കളായ മറ്റുള്ളവരെ കൊണ്ട് ബലാത്സംഗത്തിന് ഇരയാക്കുമെന്നും ഭീഷണിപ്പെടുത്തിയതായും യുവതി പോലീസിന് നല്കിയിരിക്കുന്ന പരാതിയില് വ്യക്തമാക്കിയിട്ടുണ്ട്.
പോലീസില് പരാതി നല്കാന് പല തവണ യുവതി വീട്ടില് നിന്നും ഒളിച്ചോടിയിട്ടുണ്ട്. എന്നാല് എല്ലാത്തവണയും പിടിക്കപ്പെടുകയും മുറിക്കുള്ളില് പൂട്ടിയിട്ട് മര്ദ്ദിക്കുകയുമായിരുന്നു. ഭര്ത്താവിന്റെ മര്ദ്ദനത്തില് തന്റെ ഗര്ഭം അലസുക പോലും ചെയ്തിട്ടുള്ളതായി ഇവര് പറഞ്ഞു. അഞ്ചുമാസം ഗര്ഭിണിയായിരിക്കുമ്പോള് ഭര്ത്താവ് വയറില് ചവുട്ടി ഗര്ഭം അലസിപ്പിച്ചെന്നാണ് പരാതിയിലുള്ളത്. യുവതിയെ പോലീസ് എത്തി സുരക്ഷിത താവളത്തിലേക്ക് മാറ്റിയതിന് ശേഷമാണ് പരാതി നല്കിയത്.
