പട്ടാമ്പി: രണ്ടു രാജ്യങ്ങളിലിരുന്ന് ഓണ്ലൈനായി പഠിച്ച മേളവാദ്യം ഒരുമിച്ച് കൊട്ടിക്കയറി പാലക്കാടന് സഹോദരിമാര്. അമേരിക്കയിലും മുംബൈയിലും ഇരുന്ന് ഓണ്ലൈന്വഴി പഠിച്ച തായമ്പക ഒരുമിച്ച് അരങ്ങേറ്റം നടത്തിയത് പട്ടാമ്പി സ്വദേശികളായ മോജിതയും നിജിതയുമാണ്.
വെളളിനേഴി തൃപ്പുലിക്കല് ക്ഷേത്രാങ്കണത്തിലാണ് ഇരുവരും കൊട്ടിക്കയറിയത്. മോജിത അമേരിക്കയില് കമ്പ്യൂട്ടര് എന്ഞ്ചിനിയറാണ്. നിജിത മുംബൈയിലെ സ്വകാര്യകമ്പനിയില് ജീവനക്കാരിയും. ഓണ്ലൈനില് താളപാഠങ്ങള് ഹൃദ്യസ്ഥമാക്കിയ സഹോദരിമാര് പാലക്കാട് തായമ്പക അരങ്ങേറ്റത്തില് കൊട്ടിക്കയറി.
മുംബൈയിലും അമേരിക്കയിലുമായി ജോലി ചെയ്യുന്ന പാലക്കാട് പട്ടാമ്പി സ്വദേശികളായ സഹോദരിമാര് ഓണ്ലൈന് വഴിയാണ് തായമ്പക പരിശീലിച്ചത്. വാദ്യകലാകാരന് കലാമണ്ഡലം രഘുചന്ദ്രനാണ് ഇരുവരേയും തായമ്പക പരിശീലിപ്പിച്ചെടുത്തത്. പട്ടാമ്പി നെല്ലിക്കാട്ടിരി സ്വദേശി മോഹന്ദാസിന്റെയും സുജാതയുടെയും മക്കളാണ്. പിതാവ് കളമെഴുത്ത് കലാകാരനാണ്.
