ന്യൂഡല്ഹി: മലിനീകരണം ഉണ്ടാക്കുന്ന പഴയ വാഹനങ്ങള് നിരത്തുകളില് നിന്ന് നീക്കി പുതിയ വാഹനങ്ങള് വാങ്ങാന് സഹായം നല്കുമെന്ന് പ്രഖ്യാപനം നടത്തി ധനകാര്യ മന്ത്രി നിര്മ്മല സീതാരാമന്. കേന്ദ്ര സര്ക്കാരിന്റെ ഉടമസ്ഥതയിലുള്ള പഴയ വാഹനങ്ങള്ക്കാണ് സാമ്പത്തിക സഹായം ലഭ്യമാകുന്നത്.
ഇവയെ കൂടാതെ സംസ്ഥാന സര്ക്കാരുകളുടെ ഉടമസ്ഥതയിലുള്ള ആംബുലന്സുകളും പഴയ വാഹനങ്ങളും പൊളിച്ച് പുതിയവ വാങ്ങാനായി സാമ്പത്തിക പിന്ന്തുണ ഉണ്ടാകുമെന്നും ധനമന്ത്രി ഉറപ്പ് നല്കി.
എന്നാല് വാഹനങ്ങള് പൊളിക്കുന്നതുമായി ബന്ധപ്പെട്ട സാമ്പത്തിക പ്രസ്താവന നടത്താന് ഒരുങ്ങിയ ധനമന്ത്രിക്ക് പ്രഖ്യാപനത്തിനിടയില് ചെറിയൊരു നാക്ക് പിഴ സംഭവിച്ചു. ഓള് പൊല്യൂട്ടിംഗ് വെഹിക്കിള് എന്നതിനു പകരം ഓള് പൊളിറ്റിക്കല് എന്നാണ് മന്ത്രി വായിച്ചത്. ഇതിനെ തുടര്ന്ന് സഭയില് മുഴുവന് ചിരി പടരുകയും ചെയ്തു.
