കളമശ്ശേരി : കളമശ്ശേരി മെഡിക്കല് കോളേജില് ജനിക്കാത്ത കുഞ്ഞിന് ജനന സര്ട്ടിഫിക്കറ്റ് നല്കിയ വിവാദത്തില് അനില് കിമാറിന്റെ ആരോപണങ്ങളെ തള്ളി ആശുപത്രി സൂപ്രണ്ട്. അനിലിന്റെ ആരോപണങ്ങള് പൂര്ണ്ണമായും തെറ്റാണെന്നും സൂപ്രണ്ട് ഗണേശ് മോഹന് വ്യക്തമാക്കി.
തട്ടിപ്പ് കണ്ടെത്തിയത് താനാണെന്നും സര്ട്ടിഫിക്കറ്റ് ഉണ്ടാക്കാന് താന് ആര്ക്കും നിര്ദ്ദേശം നല്കിയിട്ടില്ലെന്നും അദ്ദേഹം വ്യക്തമാക്കി. അനില് ചെയ്തത് ക്ഷമിക്കാനാകാത്ത തെറ്റാണ് തന്റെ കാലുപിടിച്ച് കെഞ്ചിയെന്നും സൂപ്രണ്ട് പറഞ്ഞു. കളമശ്ശേരി പോലീസില് പരാതി നല്കിയിട്ടുണ്ട് . ഏത് അന്വേഷണങ്ങളെയും നേരിടാന് തയ്യാറാണെന്നും അദ്ദേഹം വ്യക്തമാക്കി.
വിഷയം ആദ്യം കണ്ടെത്തിയത് താനാണെന്നും. എന്നാല് തെളിവ് ശേഖരിക്കുകയും പരാതി നല്കാന് മുന്കൈയെടുക്കുകയും ചെയ്ത എന്നെയാണ് ഇപ്പോള് ബ്ലാക്ക്മെയില് ചെയ്യുന്നത്. എന്നാല് ഏത് അന്വേഷണവും നേരിടാന് തയ്യാറാണെന്നും സൂപ്രണ്ട് പ്രതികരിച്ചു.
