ബംഗലുരു: കല്യാണം കഴിക്കാന് പെണ്കുട്ടികളെ കിട്ടാത്തതിനെ തുടര്ന്ന് ദൈവസന്നിധിയിലേക്ക് പടുകൂറ്റന് പദയാത്രയുമായി കര്ഷകയുവാക്കള്. കല്യാണപ്പെണ്ണിനെ കിട്ടണമെന്ന് ദൈവത്തോട് യാചിച്ച് കര്ണാടകയിലെ ചാമരാജനഗര് ജില്ലയിലെ 200 ലധികം യുവാക്കള് 105 കിലോമീറ്റര് വരുന്ന ദൂരമാണ് പദയാത്രയ്ക്ക് ഒരുങ്ങുന്നത്. 105 കിലോമീറ്റര് അകലെയുള്ള മഹാദേശ്വര് ഹില്സ് ക്ഷേത്രത്തിലേക്കാണ് യാത്ര.
തങ്ങളോട് കാരുണ്യം കാട്ടാന് നാട്ടുകാര്ക്ക് മനസ്സ് തോന്നിപ്പിക്കാന് ആവശ്യപ്പെട്ടുള്ള യാത്ര ഫെബ്രുവരി 23 ന് നടക്കും. ആശിച്ചാല് പ്രാര്ത്ഥിച്ചാല് എന്തും നടക്കുമെന്ന് കര്ണാടകക്കാര്ക്ക് ഇടയില് വലിയ വിശ്വാസമുള്ള പ്രശസ്തമായ ക്ഷേത്രമാണ് മഹാദേശ്വര്. ഇനി തങ്ങളെ രക്ഷിക്കാന് ഭഗവാന് മാത്രമേ സാധിക്കൂ എന്ന വിചാരത്തിലാണ് ഭക്തിനിര്ഭരമായി പദയാത്ര നടത്താനുള്ള തീരുമാനം.
ഫെബ്രുവരി 23 ന് യാത്ര തുടങ്ങി മൂന്ന് ദിവസം കൊണ്ട് 105 കിലോമീറ്റര് അകലെയുള്ള ക്ഷേത്രത്തില് എത്താനാകുമെന്നാണ് പ്രതീക്ഷ. അവിഹിതരുടെ പദയാത്രയെന്ന് പേരിട്ടിരിക്കുന്ന പദയാത്രയ്ക്ക് സാമൂഹ്യമാധ്യമങ്ങളിലൂടെയാണ് കൂട്ടായ്മ സൃഷ്ടിച്ചത്. സോഷ്യല്മീഡിയയില് ഈ ആശയം പങ്കുവെച്ചപ്പോള് തന്നെ വലിയ സ്വീകാര്യത കിട്ടി. ഇപ്പോള് ചാമരാജനഗറിന് പുറമേ മാണ്ഡ്യ, മൈസൂര്, ശിവമോഗ എന്നിവിടങ്ങളില് നിന്നെല്ലാം യുവാക്കള് പദയാത്രയില് ചേരാന് റജിസ്റ്റര് ചെയ്തു.
ഗ്രാമത്തിലെ കര്ഷകരായ യുവാക്കളെ പെണ്കുട്ടികള്ക്കും അവരുടെ വീട്ടുകാര്ക്കും പിടിക്കുന്നില്ല എന്നതാണ് ഇവര് നേരിടുന്ന പ്രതിസന്ധി. പെണ്കുട്ടികള്ക്കൊക്കെ ബംഗലുരു നഗരത്തില് വന് ശമ്പളം വാങ്ങി സ്വകാര്യകമ്പനികളിലും മറ്റും ജോലി ചെയ്യുകയും നഗരത്തില് ജീവിക്കുകയും ചെയ്യുന്ന ആള്ക്കാരെ മതി. ഇതോടെ ഗ്രാമത്തില് കാര്ഷിക ജോലികള് ചെയ്യുന്ന യുവാക്കള്ക്ക് പെണ്ണിനെ കിട്ടാതായി. പലപ്പോഴും 80 കിലോമീറ്റര് അകലെ ബംഗലുരുവില് ജോലി ചെയ്യുന്ന യുവാക്കള്ക്ക് വേണ്ടി തങ്ങള് കൊണ്ടുചെല്ലുന്ന ആലോചനകള് പെണ്കുട്ടികള് തള്ളിക്കളയുകയാണത്രേ.
ഗ്രാമീണരായ തങ്ങള്ക്കും ഭാര്യയും കുടുംബവും വേണ്ടേയെന്നും ഇനി ആശ്രയം ദൈവം മാത്രമാണെന്നുമാണ് ഈ യുവാക്കള് പറയുന്നത്. പെണ്കുട്ടികളുടെ മാതാപിതാക്കളും നഗരജീവിതം നയിക്കുന്ന മോഡേണ് യുവാക്കള് മതിയെന്ന നിലപാട് എടുത്തതോടെ ഗ്രാമത്തിലെ യുവാക്കളുടെ നല്ലപ്രായം കടന്നുപോകുകയാണ്. ഇതെല്ലാം യുവാക്കളുടെ കുടുംബത്തെയും ആകുലപ്പെടുത്താന് തുടങ്ങിയതോടെയാണ് ദൈവാനുഗ്രഹം ഉണ്ടാക്കാനായി പദയാത്രികരായി ക്ഷേത്രദര്ശനം നടത്താന് തീരുമാനിച്ചത്.
