കല്പ്പറ്റ: അദാനി എങ്ങനെയാണ് പ്രധാന മന്ത്രിയുടെ വിദേശയാത്രയില് പങ്കെടുത്തതെന്ന ചോദ്യം വീണ്ടും ആവര്ത്തിച്ച് രാഹുല് ഗാന്ധി. ഇരുവരും തമ്മിലുള്ള ബന്ധമെന്താണെന്നും രാഹുല് ഗാന്ധി ചോദിച്ചു. ഭാരത് ജോഡോ യാത്രയ്ക്ക് ശേഷം ആദ്യമായി സ്വന്തം മണ്ഡലമായ വയനാട്ടില് എത്തിയപ്പോഴായിരുന്നു രാഹുല് ഗാന്ധിയുടെ പ്രതികരണം.
അദാനി മോഡി ബന്ധത്തെക്കുറിച്ച് പാര്ലമെന്റില് ഉന്നയിച്ച കാര്യങ്ങള് ഒക്കെ സത്യമാണെന്നും. രാജ്യത്തെ എല്ലാ വിമാനത്താവളങ്ങളും അദാനി വാങ്ങിക്കുന്നത് എങ്ങനെയാണ്. പ്രസംഗത്തില് പറഞ്ഞ കാര്യങ്ങളെക്കുറിച്ച് തെളിവ് നല്കിയിട്ടുണ്ടെന്നും രാഹുല്. മറുപടി പറയുന്നതിനു പകരം തന്നെ വ്യക്തിപരമായി ആക്ഷേപിക്കുകയാണ് ചെയ്തതെന്നും അദ്ദേഹം വ്യക്തമാക്കി.
പ്രധാനമന്ത്രിയോട് അദാനിയുമായുള്ള ബന്ധത്തെക്കുറിച്ച് ചോദിച്ചപ്പോള് രാഹുല് നെഹ്റു എന്നതിന് പകരം എന്തു കൊണ്ട് രാഹുല് ഗാന്ധി എന്ന് എനിക്ക പേരിട്ടു എന്നായിരുന്നു അദ്ദേഹം തിരിച്ച് ചോദിച്ചത്. എന്നാല് ഇന്ത്യയില് അച്ഛന്റെ കുടുംബപ്പേരാണ് സാധാരണയായി ഉപയോഗിക്കാറുള്ളത് എന്ന കാര്യം മോദിക്ക് അറിയാത്തതല്ലെന്നും രാഹുല് ആരോപിച്ചു .
ഭാരത് ജോഡോ യാത്രയ്ക്കിടെ കണ്ട എല്ലാ കര്ഷകരും അസംതൃപ്തരാണെന്നും. ഫര്സോണ് വിഷയത്തില് അനിശ്ചിതത്വം അവസാനിപ്പിക്കണമെന്നും രാഹുല്ഗാന്ധി ആവിശപ്പെട്ടു.
