ചെറിയ പ്രായത്തില്ത്തന്നെ സ്റ്റേജ് ഷോകളിലേക്കു വരികയും വേദികളെ ചിരിപ്പിച്ചു മറിക്കുകയും ചെയ്ത അതുല്യ കലാകാരിയെയാണു നഷ്ടമായത്. അങ്ങേയറ്റം സങ്കടവും വേദനയും തോന്നുന്ന നിമിഷങ്ങള്. ഒരുപക്ഷേ, അല്പ്പംകൂടി സമയം ലഭിച്ചിരുന്നെങ്കില് അവളെ ജീവിതത്തിലേക്കു മടക്കിക്കൊണ്ടുവരാന് കഴിയുമായിരുന്നു എന്നുതന്നെ വിശ്വസിക്കുന്നു.
കരള്രോഗം പിടിമുറുക്കിയ വിവരം അടുത്ത സൗഹൃദവലങ്ങളില്പ്പോലും എത്തിയിരുന്നില്ല. ഒരാഴ്ച മുമ്പാണ് ഞാന് രോഗത്തിന്റെ തീവ്രത അറിയുന്നത്. ഉടനടി വേണ്ടതുചെയ്യാന് സഹപ്രവര്ത്തകര് തീരുമാനിച്ചു. കരള് മാറ്റിവയ്ക്കാനായി ദാതാവിനെയും ലഭിച്ചിരുന്നു.
സ്വന്തത്തില്പ്പെട്ടവരാകുമ്പോള് നിയമക്കുരുക്ക് കുറയുമല്ലോ. സാമ്പത്തികച്ചെലവൊന്നും കാര്യമാക്കേണ്ടെന്നു രാജഗിരി ആശുപത്രി അധികൃതരും അറിയിച്ചിരുന്നു. ശസ്ത്രക്രിയയ്ക്കുള്ള ഒരുക്കങ്ങള് തകൃതിയായി നടക്കുകയായിരുന്നു. പക്ഷേ അപ്പോഴേക്കും നേരം വല്ലാതെ െവെകി.
ഒരുവേള രോഗം മാറി തിരിച്ചുവരാമെന്നാണ് അവള് കരുതിയിരുന്നതെന്നു തോന്നുന്നു. ബ്ലഡ്പ്ലാസ്മ ചികിത്സയിലൂടെ രോഗം ഭേദമാകുമെന്നു വിചാരിച്ചിടത്തു നിന്നാണ് കാര്യങ്ങള് വഷളായത്. ദേഭമാകുമെന്ന ചിന്തയിലാകണം അടുത്ത സൗഹൃദങ്ങളിലേക്കുപോലും അസുഖവിവരം വിടാതിരുന്നത്.
കരള് മാറ്റിവയ്ക്കേണ്ട അവസ്ഥ വന്നപ്പോള് അവളുടെ കൂട്ടുകാരിയാണ് എന്നെ വിളിച്ചു വിവരം പറഞ്ഞത്. പിന്നീട് രക്ഷപ്പെടുത്താന് ഞങ്ങളെല്ലാം ചേര്ന്ന് ഒത്തൊരുമിച്ചു പ്രവര്ത്തിക്കുമ്പോഴാണ് അപ്രതീക്ഷിത വേര്പാടുണ്ടായത്. എന്തൊക്കെയുണ്ടായാലും ആയുസെത്തുമ്പോള് ആള് പോകേണ്ടിവരുമെന്ന സത്യത്തിനു മുന്നില് എനിക്കു പറയാന് വാക്കുകളില്ല. ജീവിതത്തിന്റെ പാതിവഴിയില് വച്ച് ആ ചിരി മാഞ്ഞു.
പതിനെട്ടു വയസ് മുതല് സുബിയെന്ന കലാകാരിയെ എനിക്കു പരിചയമുണ്ട്. പിന്നീടിങ്ങോട്ട് എത്രയോ വേദികളില് ഒരുമിച്ചു. സ്വദേശത്തും വിദേശത്തും നൂറുകണക്കിനു പ്രോഗ്രാമുകള്. അതിനിടെ സിനിമയിലേക്കു വിളികള് വന്നെങ്കിലും സിനിമയോട് അത്ര പ്രതിപത്തി കാണിച്ചില്ല. സ്റ്റേജ്, ടിവി ഷോകളിലാണു ശ്രദ്ധമുഴുവന് നല്കിയത്. ഒറ്റയ്ക്കു പ്രോഗ്രാം കൊണ്ടുപോകുന്ന തരത്തില് അവള് സ്വതന്ത്ര കലാകാരിയായത് അത്ഭുതപ്പെടുത്തുന്ന വേഗത്തിലാണ്. നിരവധി ടെലിവിഷന് ഷോകളെ ഒറ്റയ്ക്കു ചുമലിലേറ്റി സുബി വിജയിപ്പിച്ചു.
നാവിന്തുമ്പില്നിന്ന് തമാശകളുടെ പൂത്തിരി അവള് പൊട്ടിച്ചു. ഡ്രാമ എന്ന സിനിമയില് എന്റെ സഹോദരിയുടെ വേഷമായിരുന്നു അവള്ക്ക്. സ്റ്റേജ് ഷോയ്ക്ക് എവിടെപ്പോയാലും മറക്കാതെ എന്നെ വിളിച്ചു പറയുമായിരുന്നു. വേദനകളിലും സന്തോഷത്തിലുമൊക്കെ അവള് വിളിച്ചിരുന്നു.
സിനിമാലയാണ് അവള്ക്ക് കരിയറില് ബ്രേക്ക് നല്കിയത്. സുബി വരുന്നതിനുമുമ്പ് ആണുങ്ങളാണ് സിനിമാലയിലടക്കം സ്ത്രീവേഷം കെട്ടിയിരുന്നത്. അവള് വന്നതോടെ ആ പതിവിനു മാറ്റം സംഭവിച്ചു. െധെര്യശാലിയായ അവള് എവിടേക്കും തനിച്ചാണു യാത്രചെയ്തിരുന്നത്. എവിടെപ്പോകാനും ഒരു മടിയുമില്ല. യുട്യൂബില് എത്രമാത്രമായിരുന്നു അവള്ക്കു സബ്സ്ക്രൈബേഴ്സ്? അവരുടെ എണ്ണം കൂടിയപ്പോള് അതാഘോഷിക്കാന് വീട്ടില് കേക്കുമായി വന്നു.
കലാകാരിയെന്ന നിലയില് സുബി എപ്പോഴും തിരക്കിലായിരുന്നു. അടുത്ത കാലത്താണു വീടുപണി കഴിഞ്ഞത്. ഇനി വിവാഹം കഴിക്കണം, ഒപ്പം അഭിനയവും തുടരണം എന്നൊക്കെ പറഞ്ഞിരുന്നു. അകാലത്തില് അരങ്ങൊഴിഞ്ഞ ആ ചിരിമാലയ്ക്കു മുന്നില് നൂറു പ്രണാമം...
(തയാറാക്കിയത് െബെജു ഭാസി)
