പാലക്കാട് : ഉള്ക്കാട്ടിലെ തോട്ടില് പ്രസവിച്ച ആദിവാസി യുവതി സുജാതയുടെ കുട്ടി മരിച്ചു. വെള്ളം കിട്ടാത്തതിനാലാണ് കാട്ടിനകത്ത് പ്രസവിക്കേണ്ടി വന്നതെന്ന് സുജാതയുടെ ഭര്ത്താവ് കണ്ണന് പറഞ്ഞു. എന്നാല് ബന്ധുക്കള് വിവരം അറിയിച്ചതിനെ തുടര്ന്ന് അമ്മയേയും കുഞ്ഞിനേയും ഇന്നലെ ആലത്തൂര് താലൂക്ക് ആശുപത്രിയിലും പിന്നീട് തൃശൂര് മെഡിക്കല് കോളേജിലേക്കും മാറ്റിയിരുന്നു.
കഴിഞ്ഞ 17 ാം തീയതി ഗര്ഭിണിയായ യുവതിയെ മെഡിക്കല് കോളേജില് അഡ്മിറ്റ് ചെയ്തിരുന്നു. എന്നാല് ആശുപത്രി ചികിത്സയെക്കുറിച്ച് കൃത്യമായ ധാരണ ഇല്ലാത്തതിനാല് ഇവരെ 18 ന് ബന്ധുക്കള് വീട്ടിലേക്ക് കൊണ്ട് പോവുകയായിരുന്നു.
എന്നാല് വീട്ടില് എത്തിയ യുവതിക്ക് രക്തസ്രാവം അനുഭവപ്പെടുകയായിരുന്നു . ഇതേതുടര്ന്ന് ബന്ധുക്കള് യുവതിയുമായി കാട്ടിനകത്തേക്ക് പ്രസവത്തിനായി പോവുകയായിരുന്നു. അവിടെ വച്ച് പ്രസവം നടത്തുകയും ചെയ്തു. ഊരില് വെള്ളമില്ലാത്തതിനാലാണ് കാട്ടില് പോകേണ്ടി വന്നതെന്ന് ഭര്ത്തവ് പറഞ്ഞു.
