പാലക്കാട് : ത്രിപുരയില്‍ തോറ്റാലും ജയിച്ചാലും കോണ്‍ഗ്രസുമായുണ്ടാക്കിയ സഖ്യ തീരുമാനം ശരിയാണെന്ന് പിബി അംഗം എംവി ഗോവിന്ദന്‍.
ജനകീയ പ്രതിരോധ യാത്രയുടെ ഭാഗമായി പാലക്കാട് വാര്‍ത്താ സമ്മേളനത്തില്‍ സംസാരിക്കുകയായിരുന്നു അദ്ദേഹം. ബിജെപിയെ എതിര്‍ക്കാനാണ് ത്രിപുരയില്‍ സഖ്യം ഉണ്ടാക്കിയത്. അത് രാഷ്ട്രീയമായി ശരിയായ തീരുമാനമാണെന്നും അദ്ദേഹം പറഞ്ഞു.
അതേസമയം സംസ്ഥാനത്ത് കോണ്‍ഗ്രസ് - ബിജെപി സഹകരണം ഉണ്ടായെന്ന് അദ്ദേഹം വിമര്‍ശിച്ചു. തദ്ദേശ ഉപതെരഞ്ഞെടുപ്പില്‍ സംസ്ഥാനത്ത് പലയിടത്തും ബിജെപിക്ക് വലിയ തോതില്‍ വോട്ട് കുറഞ്ഞുവെന്നും ഈ വോട്ട് യുഡിഎഫിന് കിട്ടിയെന്നും അദ്ദേഹം ചൂണ്ടിക്കാട്ടി. സിപിഎം തോല്‍വികള്‍ പരിശോധിക്കുമെന്നും അദ്ദേഹം അറിയിച്ചു.
കൊച്ചുവേളി ടെര്‍മിനലിനുള്ള റെയില്‍വേ വികസന സാധ്യത കേന്ദ്ര സര്‍ക്കാര്‍ പരിഗണിക്കുന്നില്ലെന്ന് അദ്ദേഹം കുറ്റപ്പെടുത്തി. കേരളത്തിലെ എംപിമാര്‍ ഇക്കാര്യം മുഖവിലയ്ക്ക് എടുക്കുന്നില്ല. റെയില്‍വേ വിളിച്ച യോഗത്തില്‍ തിരുവനന്തപുരം എംപി ശശി തരൂര്‍ പങ്കെടുത്തില്ലെന്നും അദ്ദേഹം വിമര്‍ശിച്ചു
Comments