കൊച്ചി; ബ്രഹ്മപുരത്തെ മാലിന്യ സംസ്കരണ കേന്ദ്രത്തിലെ തീപിടിത്തമുണ്ടായതിനെ തുടര്ന്നുണ്ടായ വിഷപുകയില് സംസ്ഥാന സര്ക്കാരിന് മുന്നറിയിപ്പുമായി ഇന്ത്യന് മെഡിക്കല് അസോസിയേഷന് (ഐ എം എ). ഗുരുതരമായ ആരോഗ്യ പ്രശ്നത്തിന് പുക ശ്വസിക്കുന്നത കാരണമാകും. ഇപ്പോള് ദീര്ഖകാലാടിസ്ഥാനത്തിലുള്ള ആരോഗ്യ പ്രശ്നങ്ങള് പ്രവചിക്കാനാകില്ല. പുകയുടെ തോതും ദൈര്ഘ്യവും എത്രത്തോളം കുറയ്ക്കാന് ആകുമോ അത്രയും സുരക്ഷിതമാകുമെന്നും ഐഎംഎ വ്യക്തമാക്കി.
വാതകങ്ങളെ എന്95 പോലുള്ള മാസ്ക്കുകള്ക്ക് പ്രതിരോധിക്കാനാകില്ല. ആശുപത്രിയില് ആസ്തമ, സിഒപിഡി പോലുള്ള രോഗങ്ങളുളളവരെ പ്രവേശിപ്പിക്കുന്നുണ്ട്. ഇത്തരം സംഭവങ്ങള് ആവര്ത്തിക്കാതിരിക്കാന് നടപടി വേണം. പുകയില് അടങ്ങിയിരിക്കുന്ന രാസപദാര്ഥങ്ങള് ജല സ്രോതസുകളെയും കൃഷിസ്ഥലങ്ങളെയും മലിനമാക്കുന്നു. രാസപദാര്ഥങ്ങള് വെള്ളത്തില് കലരുന്നത് രോഗങ്ങള്ക്ക് കാരണമാകുന്നതായും ഐ എ എം മുന്നറിയിപ്പുകളുണ്ട്.
