നെടുങ്കണ്ടം: രാമക്കല്മേട് സേക്രട്ട്ഹാര്ട്ട് സ്കൂളിലെ വിദ്യാര്ഥിനി ആംബുലന്സിലിരുന്ന് എസ്.എസ്.എല്.സി. പരീക്ഷയെഴുതിയപ്പോള് വിധിയെ തോല്പ്പിച്ച് വിഷ്ണു ആംബുലന്സിലെത്തി സ്ട്രെച്ചറില് കിടന്ന് ഒന്നാം വര്ഷ ഹയര് സെക്കന്ഡറി മലയാളം പരീക്ഷ എഴുതി പാലായിലെ വിദ്യാര്ത്ഥി.
മോഡല് പരീക്ഷകള് കഴിഞ്ഞ് ഫൈനല് പരീക്ഷയ്ക്കു തയാറെടുപ്പിലായിരിക്കെ തെന്നിവീണ് ഇടുപ്പെല്ലിനു സാരമായി പരുക്കേറ്റ ആന് മേരി പീറ്ററാണ് പ്രതിസന്ധികളെ അവഗണിച്ച് ആംബുലന്സിലിരുന്നു പരീക്ഷയെഴുതിയത്. തേനിയിലെ സ്വകാര്യ ആശുപത്രിയില് ചികിത്സ തേടിയ ആന് മേരിക്ക് പരീക്ഷയെഴുതാന് സാധിക്കുമോയെന്ന് സംശയമായിരുന്നു.
പത്താം ക്ലാസ് പരീക്ഷ ജീവിതത്തിലെ പ്രധാനഘട്ടമായതിനാല് അതെഴുതണമെന്ന് രക്ഷാകര്ത്താക്കളോടും അധ്യാപകരോടും ആന് നിര്ബന്ധം പിടിച്ചു. ഇതോടെ പരീക്ഷയെഴുതാന് വേണ്ട ക്രമീകരണങ്ങള് ചെയ്യാന് അധ്യാപകര് മുന്നിട്ടിറങ്ങുകയായിരുന്നു.
പരീക്ഷയുടെ ആദ്യദിനമായിരുന്ന ഇന്നലെ പ്രധാനാധ്യാപകന് ഫിലിപ്പ് സെബാസ്റ്റ്യന്റെ നേതൃത്വത്തിലുള്ള അധ്യാപകസംഘം കുട്ടിയെ ആംബുലന്സില് സ്കൂളിലെത്തിച്ചു. തുടര്ന്ന് സ്ക്രൈബിന്റെ സഹായത്തോടെ ആംബുലന്സിനുള്ളിലിരുന്ന് ആന് പരീക്ഷയെഴുതി. രാമക്കല്മേട് സെല്വി നിവാസില് പീറ്റര്-വിമലറാണി ദമ്പതികളുടെ മകളാണ് ആന് മേരി പീറ്റര്.
ആംബുലന്സിലെത്തി സ്ട്രെച്ചറില് കിടന്നായിരുന്നു ഒന്നാം വര്ഷ ഹയര് സെക്കന്ഡറി മലയാളം പരീക്ഷ പൂഞ്ഞാര് കടലാടിമറ്റം കെ.എസ് വിഷ്ണു എഴുതിയത്. ഇരുകാലുകളും തളര്ന്ന് ചികില്സയില് കഴിയുന്ന വിഷ്ണു ഇന്നലെ ഹയര്സെക്കന്ററി പരീക്ഷയെഴുതാന് പൂഞ്ഞാര് എസ്.എം.വി ഹയര് സെക്കന്ഡറി സ്കൂളില് എത്തിയിരുന്നു. പഠനത്തില് മിടുക്കനായ വിഷ്ണുവിന് ഉന്നത വിദ്യാഭ്യാസമാണു ലക്ഷ്യം.
ഇരു കാലുകള്ക്കും ഏറ്റകുറച്ചിലോടെയായിരുന്നു വിഷ്ണുവിന്റെ ജനനം. തുടയെല്ലിന് വളവുമുണ്ടായിരുന്നു. കുഞ്ഞുനാള് മുതല് തന്നെ മരുന്നുകളും കഴിച്ചുതുടങ്ങി. വൈകല്യമുണ്ടെങ്കിലും വിഷ്ണു മറ്റുള്ളവര്ക്കൊപ്പം സ്കൂളില് പോകുമായിരുന്നു. പത്താം ക്ലാസില് എല്ലാ വിഷയങ്ങള്ക്കും വിഷ്ണു എ പ്ലസും കരസ്ഥമാക്കിയിരുന്നു.
മാതാപിതാക്കള്ക്കുംസഹോദരങ്ങള്ക്കുമൊപ്പം വാടക വീട്ടിലാണ് വിഷ്ണുവിന്റെ താമസം. വൈകല്യവും പേറി കിലോമീറ്ററുകള് നടന്ന് പ്രധാന റോഡിലെത്തി വാഹനത്തില് കയറിയായിരുന്നു സ്കൂളിലെത്തിയിരുന്നത്. തുടര്ച്ചയായുള്ള നടപ്പ് നടുവിന് ബലക്ഷയത്തിനുമിടയാക്കി. ഇതോടെ രണ്ടുമാസം മുന്പ് വിഷ്ണു പൂര്ണ്ണമായും കിടപ്പിലായി. ഇപ്പോള് പ്രാഥമിക ആവശ്യങ്ങള് നിറവേറ്റണമെങ്കില് പരസഹായം വേണം.
മറ്റുള്ള കുട്ടികള്ക്കൊപ്പം പഠിച്ച് എന്ജിനിയറാവണമെന്നാണ് വിഷ്ണുവിന്റെ ആഗ്രഹം.തന്റെ നിശ്ച്ചയദാര്ഢ്യത്തിനു മുന്പില് മാതാപിതാക്കളും സ്കൂള് അധികൃതരും ഒപ്പം നിന്നതോടെയാണ് പരീക്ഷയെഴുതാനുള്ള വിഷ്ണുവിന്റെ അഗ്രഹം സഫലമായത്.ആംബുലന്സില് സ്കൂളില് എത്തിയ വിഷ്ണു ഉണ്ണിമായ എന്ന ഒന്പതാം ക്ലാസ് വിദ്യാര്ഥിനിയുടെ സഹായത്തോടെയാണ് മലയാളം പരീക്ഷഎഴുതിയത്.
കളമശേരി മെഡിക്കല് കോളേജില് കഴിഞ്ഞ 17 ന് വിഷ്ണുവിന്റെ ഓപ്പറേഷന് നടത്തിയിരുന്നു. പൂര്ണ്ണ ആരോഗ്യവനാകാതെയാണ് പരീക്ഷ എഴുതാന് എത്തിയത്. കൂലിപ്പണിക്കാരായ പിതാവ് സുനില് കുമാറും മാതാവ് രജനിയും വാടകയടക്കം വീട്ടുചെലവും മറ്റു കുട്ടികളുടെ പഠനച്ചെലവുമെല്ലാം കണ്ടെത്താനാവാതെ വിഷമിക്കുകയാണ്.
തന്റെ കിഡ്നി ഒപ്പം ജോലി ചെയ്തിരുന്ന സുഹൃത്തിന് നല്കി സഹായിച്ചിട്ടുമുണ്ട് സുനില്കുമാര്. വിഷ്ണുവിനെ ഒറ്റയ്ക്കാക്കി ജോലിക്കു പോകാനാവാത്ത അവസ്ഥയിലുമാണ് കുടുംബം. എങ്കിലും തന്റെ മകന്റെ അഗ്രഹത്തിനു വേണ്ടി തങ്ങളാലാവുംവിധം ഒപ്പം നില്ക്കുകയാണ് ഈ കുടുംബവും.
