തിരുവനന്തപുരം: മധ്യകേരളത്തിലെ ക്രൈസ്തവ രാഷ്ട്രീയ നേതാക്കളെ മുന് നിര്ത്തി അണിയറയില് പുതിയ രാഷ്ട്രീയപാര്ട്ടിയ്ക്ക് നീക്കം നടക്കുന്നതായിട്ടാണ് റിപ്പോര്ട്ട്. ക്രൈസ്തവ സഭാ നേതാക്കളും കോണ്ഗ്രസ് പാര്ട്ടിവിട്ട ചില മുന് നേതാക്കളും ഇതിനായി യോഗം ചേര്ന്നെന്നും അടുത്ത പാര്ലമെന്റ് തെരഞ്ഞെടുപ്പിന് മുമ്പായി ഇക്കാര്യത്തില് അന്തിമ പ്രഖ്യാപനം ഉണ്ടായേക്കുമെന്നുമാണ് വിവരം.
റബറിന് 300 രൂപ താങ്ങുവില പ്രഖ്യാപിച്ചാല് ബിജെപിക്ക് ഒരു എംപിയെ തരാം എന്ന തലശേരി ബിഷപ്പിന്റെ പ്രസ്താവന പരമ്പരാഗത രീതികള് വിട്ട് ക്രൈസ്തവ സമൂഹം ബിജെപിയിലേക്ക് അടുക്കുന്നുവെന്ന ഒരു ചങ്കിടിപ്പ് ഇടതു വലതു പക്ഷങ്ങളില് ഇത് ഉണ്ടായിട്ടുണ്ട്. ഈ ആശങ്ക ശരിവെച്ചാണ് പുതിയ പാര്ട്ടിയുടെ നീക്കമെന്നും ഇതിനെ എന്ഡിഎയില് ലയിപ്പിക്കാന് ബിജെപി പണി തുടങ്ങിയെന്നുമാണ് വിവരം.
ഇടതുപക്ഷത്തും യുഡിഎഫിലും അതൃപ്തരായ നേതാക്കള് ചേര്ന്ന് രൂപീകരിക്കുന്ന പാര്ട്ടിയ്ക്ക് വേണ്ടിയുള്ള എല്ലാ ഒത്താശയും ചെയ്തുകൊടുക്കുന്നത് ബിജെപിയാണെന്നാണ് വിവരം. ഇടുക്കി കേന്ദ്രീകരിച്ച് നടക്കുന്ന പ്രാഥമിക ചര്ച്ചകളില് മുമ്പ് കോണ്ഗ്രസില് ഉണ്ടായിരുന്ന ഒരു മുന് എംഎല്എ യാണ് എല്ലാറ്റിനും മുന്നിലുള്ളത്.
രാജ്യം മുഴുവനും തരംഗം കൊണ്ടുവരാന് സാധിച്ചിട്ടുണ്ടെങ്കിലും കേരളത്തില് ഇതുവരെ അക്കൗണ്ട് തുറക്കാന് പോലും കഴിയാത്തത് ബിജെപിയ്ക്ക് വലിയ തിരിച്ചടിയാണ്. ഇത്തവണ കൂടി ഒരു സീറ്റെങ്കിലും നേടാന് കഴിഞ്ഞില്ലെങ്കില് തല ഉയര്ത്തി നടക്കാനാകില്ല എന്നാണ് ബിജെപി നേതാക്കള് കരുതുന്നത്. അതുകൊണ്ടു തന്നെ കേരളത്തില് അക്കൗണ്ട് തുറക്കുമെന്ന നരേന്ദ്രമോഡിയുടെ വാക്കുകള് വളരെ ഗൗരവത്തില് എടുത്താണ് ബിജെപി ഈ രീതയിയില് ഒരു നീക്കം നടത്തുന്നത്.
റബ്ബര് ഉള്പ്പെടെയുള്ള വിഷയത്തില് പരിഹാരം കാണാതെ ഇടതുവലതു മുന്നണികള് കാട്ടുന്ന അലസതയില് കടുത്ത അതൃപ്തിയിലാണ് മലയോര കര്ഷക സമൂഹം. ഇതില് നല്ലൊരു വിഭാഗവും ക്രൈസ്തവരാണ് താനും. ഈ അവസരം മുതലാക്കുകയാണ് ബിജെപി ലക്ഷ്യമിടുന്നത്. പാര്ലമെന്റ് തിരഞ്ഞെടുപ്പിന് മുമ്പ് പുതുതായി രൂപീകരിക്കപ്പെടുന്ന പാര്ട്ടിയെ എന്ഡിഎ മുന്നണിയുടെ ഭാഗമാക്കാനായുള്ള പ്രാഥമിക ചര്ച്ചകളില് ചില ക്രൈസ്തവ സഭ നേതാക്കളും പങ്കെടുത്തെന്നാണ് സൂചന.
