ലോകമാധ്യമങ്ങളുടെയെല്ലാം തലക്കെട്ടുകള് ഇപ്പോള് ലൂസിയാനയിലെ ബാറ്റന്റോയുടെ ജനിച്ചു വളര്ന്ന സ്റ്റെഫാനി ക്ലിഫോര്ഡ് ആണ്. എഴുത്തും കുതിരസവാരിയുമെല്ലാം പാഷനായ സ്റ്റെഫാനി ക്ലിഫോര്ഡിന് മാധ്യമപ്രവര്ത്തകയാകാനായിരുന്നു ആഗ്രഹിച്ചത്. പക്ഷേ എത്തപ്പെട്ടതാകട്ടെ അമേരിക്കയിലെ നീലച്ചിത്ര വിപണിയിലും. അമേരിക്കയുടെ മുന് പ്രസിഡന്റ് ഡൊണാള്ഡ് ട്രംപിനെ വിവാദത്തിലാക്കിയ ഒരു കുട്ടിയുടെ മാതാവായ സ്റ്റോര്മി ഡാനിയേല്സ് എന്നാണ് സ്റ്റെഫാനിയുടെ നീലച്ചിത്ര വിപണിയിലെ പേര്.
ആദ്യം ഒരു മാധ്യമപ്രവര്ത്തകയാകാം എന്നാണ് ആഗ്രഹിച്ചത്. എന്നാല് മൃഗങ്ങളോടുള്ള സ്നേഹം നിമിത്തം വെറ്റിനറി വിഭാഗത്തിലെ കരിയറില് ഒരു സാധ്യത തേടിയെന്നും സ്റ്റോര്മി ഡാനിയേല്സ് ദി ന്യൂയോര്ക്ക് ടൈംസിന് നല്കിയ അഭിമുഖത്തില് പറഞ്ഞു.
സാമൂഹ്യമാധ്യമങ്ങളില് 'സ്മാര്ട്ട്' എന്നാണ് ഡാനിയേല്സ് സ്വയം വിശേഷിപ്പിക്കുന്നത്. നീലച്ചിത്ര രംഗത്തേക്ക് എത്തുന്നതിന് മുമ്പ് 17 ാം വയസ്സില് ഗെയ്മറിലെ ലോക്കല് ഗോള്ഡ് ക്ലബ്ബില് വെച്ചാണ് ആദ്യമായി വസ്ത്രമഴിച്ചു തുടങ്ങിയത്. പിന്നീട് നീലച്ചിത്ര വിപണിയിലേക്ക് എത്തി അഭിനയിക്കുകയും സിനിമ സംവിധാനം ചെയ്യുകയും ചെയ്തു. 2005 ല് പുറത്തുവന്ന റൊമാന്റിക് കോമഡി ദി 40 ഇയര് ഓള്ഡ് വിര്ജിനില് ദാനിയേലിലും മാറൂണ് 5 ലും അഭിനയിച്ചിട്ടുണ്ട്. 2010 ല് രാഷ്ട്രീയത്തിലും ഒരു കൈ നോക്കി. ലൂസിയാനയില് റിപ്പബ്ളിക്കന് സെനറ്റ് നോമിനേഷന് നോക്കിയെങ്കിലും വിജയിക്കാനായില്ല.
2018 ല് 60 മിനിറ്റ് നീണ്ട ഡാനിയലിന്റെ ഒരു അഭിമുഖത്തിലാണ് 2006 ല് ട്രംപുമായി താന് കിടപ്പറ പങ്കുവെച്ച വിവരം ആദ്യമായി ഡാനിയേല പറഞ്ഞത്. ലേക്ക് ടാഹോയിലെ ഒരു ഗോള്ഫ് ടൂര്ണമെന്റില് വെച്ചായിരുന്നു എന്നും ഇവര് അഭിമുഖത്തില് പറഞ്ഞു. അന്ന് ഡാനിയേലയ്ക്ക് 27 വയസ്സായിരുന്നു പ്രായം. ട്രംപിന് 60 വയസ്സും. ഡാനിയേലയുടെ അവകാശവാദം ട്രംപ് തള്ളിയിട്ടുണ്ട്. ട്രംപുമായി പരിചയപ്പെട്ടതിന് പിന്നാലെ ഡാനിയേലയെ അദ്ദേഹം ഒരു ഡിന്നറിന് വിളിച്ചു. ഈ സമയത്ത് ട്രംപിന്റെ കൈവശം അദ്ദേഹത്തിന്റെ തന്നെ ചിത്രമുള്ള ഒരു മാസികയുടെ കോപ്പി ഉണ്ടായിരുന്നു. മാഗസിനിലെ കവര്ചിത്രത്തെക്കുറിച്ച് ട്രംപ് പറഞ്ഞുകൊണ്ടിരുന്നു.
ഈ സംസാരത്തിന് പിന്നാലെ ഇരുവരും ലൈംഗികതയില് ഏര്പ്പെട്ടു. താന് ട്രംപിന് മകളെ പോലെയുണ്ടെന്ന് അയാള് പറഞ്ഞതായും അവളെപ്പോലെ മിടുക്കിയും സുന്ദരിയുമാണെന്നും പറഞ്ഞതായി ദാനിയേല പറയുന്നു. സാധാരണ ഒരാളുടേത് പോലെയുള്ള അനുഭവം മാത്രമായിരുന്നു എന്നാണ് ട്രംപുമായുള്ള കിടപ്പറ അനുഭവത്തെക്കുറിച്ച് വോഗ് മാഗസിന് നല്കിയ അഭിമുഖത്തില് ഡാനിയേല പറഞ്ഞത്.
ആ രാത്രി മുഴുവന് തങ്ങള് അവിടെ കഴിഞ്ഞെന്നും പറയുന്നുണ്ട്. പിന്നീട് കാലിഫോര്ണിയയിലെ ഒരു വോഡ്ക പാര്ട്ടിയിലേക്കും ന്യൂയോര്ക്കിലെ ട്രംപ് ടവറിലേക്കും ട്രംപ് പിന്നീട് ക്ഷണിച്ചു. അന്നൊന്നും തങ്ങളുടെ കിടപ്പറ രഹസ്യം ഒതുക്കി വെയ്ക്കാന് ട്രംപ് പറഞ്ഞിരുന്നില്ലെന്നും ഡാനിയേല പറയുന്നു. തങ്ങളുടെ കൂടിക്കാഴ്ചയ്ക്ക് ശേഷം പിറ്റേ വര്ഷം 2007 ല് ട്രംപ് ലോസ് ഏഞ്ചല്സിലെ ബെവര്ലി ഹില്സ് ഹോട്ടലിലെ അദ്ദേഹത്തിന്റെ സ്വകാര്യ ബംഗ്ളാവിലേക്കും ട്രംപ് ക്ഷണിച്ചിരുന്നതായി ഡാനിയേല പറയുന്നു.
2011 ലാണ് തങ്ങളുടെ ബന്ധം ടച്ച് വീക്കിലി വഴി ഡാനിയേല വില്പ്പന ചരക്കാക്കാന് ശ്രമിച്ചത്. എന്നാല് ട്രംപിന്റെ അഭിഭാഷകന് മൈക്കല് കോഹന് മാസികയെ അഭിമുഖം നടത്തുന്നതില് ഭീഷണിപ്പെടുത്തി. അതോടെ ആ കഥ പുറംലോകം കാണാതെ അവിടെ തന്നെ ഇരുന്നു. 15,000 ഡോളറിന്റേതായിരുന്നു കരാര്. എന്നാല് ഒരു രൂപ പോലും ഡാനിയേലയ്ക്ക് കിട്ടിയില്ല.
