വെര്ച്വല് റാലിയിലൂടെ കര്ണാടകയിലെ ബിജെപി പ്രവര്ത്തകരെ അഭിസംബോധന ചെയ്ത് പ്രധാനമന്ത്രി നരേന്ദ്ര മോദി. കര്ണാടകത്തില് ബിജെപി റെക്കോര്ഡ് ഭൂരിപക്ഷം നേടി അധികാരത്തില് വരുമെന്നും അതിനായി ഇനിയുള്ള പതിനാല് ദിനങ്ങള് വീട് തോറും കയറി പ്രചാരണം സജീവമാക്കണമെന്നും മോദി പ്രവര്ത്തകരോട് നിര്ദേശിച്ചു.കര്ണാടകത്തിലെ ഭരണനേട്ടങ്ങള് എടുത്ത് പറഞ്ഞ മോദി, അഴിമതിയുടെ കൂടാരമാണ് കോണ്ഗ്രസ് എന്ന് ആരോപിച്ചു.
വെര്ച്വല് റാലിയിലൂടെ 50 ലക്ഷം ബിജെപി പ്രവര്ത്തകരുമായാണ് മോദി സംസാരിച്ചത്. മോദിയുടെ അഭിസംബോധന മുഖ്യമന്ത്രി ബസവരാജ് ബൊമ്മൈ, മുതിര്ന്ന നേതാവ് ബി എസ് യെദിയൂരപ്പ എന്നിവര് ഹുബ്ബള്ളിയിലും, ബിജെപി സംസ്ഥാനാധ്യക്ഷന് നളിന് കട്ടീല് അടക്കമുള്ളവര് ബെംഗളുരുവിലെ ബിജെപി ആസ്ഥാനത്ത് നിന്നും വെര്ച്വല് റാലിയില് കേട്ടു.
എന്നാല് ഇതിനിടെ മതത്തിനെ അടിസ്ഥാനത്തപ്പെടുത്തി രാജ്യത്ത് സംവരണം നടപ്പാക്കുന്നത് ഭരണഘടനാ വിരുദ്ധമെന്ന് ആവര്ത്തിച്ച് യുപി മുഖ്യമന്ത്രി യോഗി ആദിത്യനാഥ്. ബിജെപി വൊക്കലിഗ, ലിംഗായത്ത് ശക്തികേന്ദ്രങ്ങളില് ഹിന്ദുത്വ അജണ്ട മുന്നോട്ട് വച്ച് യോഗി ആദിത്യനാഥിനെ ഇറക്കി പ്രചാരണം സജീവമാക്കുകയാണ്. വൊക്കലിഗ ശക്തികേന്ദ്രമായ മണ്ഡ്യയ ബിജെപിക്ക് ഏറ്റവും കുറവ് സ്വാധീനമുള്ള മേഖലയാണ്. ഇവിടെയാണ് ആദിത്യനാഥിന്റെ ആദ്യപ്രചാരണറാലി.
